Veele
Veele is in útbuorren yn de gemeente Westerwâlde yn de provinsje Grinslân. It plak hat sa'n 80 huzen mei 200 ynwenners. It plak falt ûnder Vlagtwedde, dochs hat it wol in beboude kom en hat it dus blauwe plaknammebuorden. It leit op it plak dêr't de N976 fan Wynskoat nei Ter Apel it Mussel-Aa-kanaal krúst. Justjes bewesten it plak rint de beek de Ruiten Aa. Justjes boppe Veele rint dy gear mei it Veelerdiep en rint dan fierder as de Westerwâldske Aa.
| Veele | ||
| ||
| Lokaasje Veele yn de eardere gemeente Vlagtwedde | ||
| Bestjoer | ||
| Provinsje |  Grinslân
| |
| Gemeente |  Westerwâlde
| |
| Sifers | ||
| Ynwennertal | 300 | |
| Oar | ||
| Postkoade | 9541 | |
| Koördinaten | 53° 3' NB, 7° 6' EL | |
| Offisjele webside | ||
| www.veele.nl | ||
De namme Veele soe komme kinne fan vaal (bleek) of felewa (wylch). By it doarp stie earder de Lugtenborg, dat yn de achttjinde iuw gauris Klein Picardië neamd waard. De pleats Luchtenborch justjes besuden dêrfan waard ferwoaste by de befrijing yn 1945.
De âlde brêge oer it kanaal waard nei de Belgyske parasjutist Philippe Rolin neamd, dy't dêr mei twa oare Belgyske parasjutisten omkamen by de befrijing fan it doarp yn april 1945. By de brêge stiet in kriichsmonumint.
Fan 1977 oant 1981 wenne politikus en polityk aktivist Roel van Duijn yn Veele.
Yn Veele binne de wurkplakken fan it wetterskip Hunze en Aa's.
Nijsgjirrich
bewurkje seksjeAlle minsken mei de efternamme Velema hawwe harren komôf fan Veele.
Keppeling om utens
bewurkje seksje| Boarnen, noaten en/as referinsjes: |