Wilhelmina (mûne)

	De Hoop
	mûne / mole
	lokaasje
provinsje	Grinslân
gemeente	Grins
plak	Noorderhoogebrug
adres	Molenstreek 1
koördinaten	53°14'N 6°34'E
	bysûnderheden
type mûne	stellingmûne
funksje	nôtmûne
flecht	23,08 m
boujier	1907
	oare ynformaasje
monumintale status	ryksmonumint
monumintnûmer	18762
	Webside
	Side fan de mûne
	Kaart
	;

De Wilhelmina is in nôtmûne yn it doarpke Noorderhoogebrug oan 'e râne fan 'e stêd Grins.

Skiednis

De foargonger fan 'e hjoeddeiske stellingmûne is yn 1906 ôfbaarnd. Dat wie de nôt- en pelmûne "De Hoogebrug". In jier letter waard in nije nôt- en pelmûne boud, werby't ûnderdielen fan 'De Leeuw' út Sappemeer brûkt waarden. De pelstiennen binne dêrnei al rillegau ferwidere en de mûne bleau doe as nôtmûne mei trije koppel mealstiennen yn bedriuw. Yn 1947 kaam der troch in stoarm in ein oan it meallen op 'e wynkrêft.

In jier letter waard de mûne ferkocht oan 'e mûnder W.B.J. van Wijngaarden en it slagge de nije eigner yn 1963 om de mûne te restaurearjen. Yn it ramt dêrfan feroare ek de namme fan 'De Leeuw' yn 'Wilhelmina', de namme fan 'e frou fan 'e mûnder. Yn 1972 rekke de mûne wer skeind troch in stoarm. Nei in grutte restauraasje is de mûne sûnt 1982 regelmjittich op frijwillige basis yn bedriuw.

It wjukkekrús mei selsswichting waard yn 'e jierren 1990 nei in stoarm fernijd. Under yn 'e mûne is in winkeltsje, dêr't produkten fan 'e mûne kocht wurde kinne.

Jierren hat de mûne mei in flecht fan goed 23 meter eigendom west fan de 'Molenstichting Hunsingo en Omstreken', tsjintwurdich is de eigner de 'Stichting De Groninger Poldermolens'.