Rinfûgels

Rinfûgels
In nandoe (Rhea americana).
Taksonomy
ryk:	dieren (Animalia)
stamme:	rêchstringdieren (Chordata)
ûnderstamme:	wringedieren (Vertebrata)
klasse:	fûgels (Aves)
ûnderklasse:	moderne fûgels (Neornithes)
tuskenklasse:	âldkakigen (Palaeognathae)
ynformeel:	rinfûgels (Ratitae)

De rinfûgels (Latynske namme: Ratitae) foarmje in ynformele groep binnen de klasse fan 'e fûgels (Aves) en de ûnderklasse fan 'e moderne fûgels (Neornithes) en de tuskenklasse fan 'e âldkakigen (Palaeognathae).

Dizze beneaming is in sammelterm foar in stikmannich skiften fan flechtleaze fûgels, dy't nau besibbe binne oan 'e wol deeglik fleanende tinamû-eftigen (Tinamiformes). Dêrby giet it om 'e kasuariseftigen (Casuariiformes), de kiwy-eftigen (Apterygiformes), de nandoe-eftigen (Rheiformes), de strúsfûgeleftigen (Struthioniformes) en de útstoarne moä-eftigen (Dinornithiformes) en oaljefantsfûgeleftigen (Aepyornithiformes). Foarhinne waarden al dizze skiften wol ûnderbrocht by de Struthioniformes, mar dy yndieling is efterhelle.

Ta de rinfûgels hearre de grutste en swierste noch libbene fûgelsoarten, lykas de strúsfûgel út Afrika, de emoe út Austraalje en de beide soarten nandoes út Súd-Amearika. Grutter noch wiene de moä's út Nij-Seelân en de oaljefantsfûgels fan Madagaskar.

• tuskenklasse âldkakigen (Palaeognathae)
  • skift Lithornithiformes †
  • skift tinamû-eftigen (Tinamiformes)
  • ynformele groep rinfûgels (Ratitae)
    • skift kasuariseftigen (Casuariiformes)
    • skift kiwy-eftigen (Apterygiformes)
    • skift moä-eftigen (Dinornithiformes) †
    • skift nandoe-eftigen (Rheiformes)
    • skift oaljefantsfûgeleftigen (Aepyornithiformes) †
    • skift strúsfûgeleftigen (Struthioniformes)