Slotpleats (Bakkefean)

Slotpleats (Bakkefean)
bouwurk
Slotpleats (2014)
lokaasje
lân	Nederlân
Provinsje	Fryslân
Gemeente	Opsterlân
plak	Bakkefean
adres	Foarwurker wei
bysûnderheden
type bouwurk	Lângoed
subtype	Pleats
boujier	1922 (1818)
arsjitekt	W. Gerretsen
monumintale status	Ryksmonumint
monumintnûmer	513172
Slotpleats fanôf de Weverswâl sjoen (2006)
bosken fan de Slotpleats linksboppe Ikeleane (2006)
kaart

De Slotpleats is in pleats út 1818 yn Bakkefean yn in histoarysk lângoed. Sûnt 1997 is Natuurmonuminten eigener fan De Slotpleats: mear as 200 ha bosk mei mânske beammen, leanen, in pear kampkes lân en in bysûnder teehûs. It wurdt ek brûkt as startpunt fan de ekskurzjes fan Natuermonuminten yn de bosken by Bakkefean. Efter de Slotpleats stiet it âlde koetshûs dat nei in renovaasje brûkt wurdt as VVV-kantoar. De Slotpleats sels is yn 2006 restaurearre en de tunen en hôven om it lânhûs binne yn âlde swidens opknapt.

De Slotpleats waard yn 1668, tsien jier nei it graven fan de feart, oanlein. Grytman Tjaerd fan Aylva liet it bûten, it Blauhûs neamd, bouwe. Hy die soks mei stiennen fan de stins dy't by Mariënhôf, in úthôf fan it kleaster Mariëngaarde by Hallum, stie. De minsken hiene it oer it Blauhûs fanwege de blauwe glazuere pannen dy't foar it dak brûkt waarden. It Blauhûs waard yn 1838 ôfbrutsen. Yn 1818 ferriisde efter it Blauhûs in lângoedwenning, dy't yn 1920 ferboud is ta de hjoeddeiske foarm fan it teehûs De Slotpleats.

Yn it gebiet leit in skâns. Dy is yn âlde steat werombrocht. It sil hjir nei alle gedachten om in oefenskâns gean dy't nea in militêre betsjutting hân hat. Hy is troch de wiskundige Johann Hermann Knoop ûntwurpen.

Boarnen, noaten en/as referinsjes:

Oer De Slotpleats Webside teehûs Commons  Ofbylden dy't by dit ûnderwerp hearre, binne te finen yn de kategory Woonhuis, Slotplaats fan Wikimedia Commons.