Jiro Horikoshi

Jirō Horikoshi (Japansk: 堀越 二郎, Horikoshi Jirō; ûnder Fujioka, 22 juny 1903 – Tokio, 11 jannewaris 1982) wie in Japansk fleantúchûntwerper fan gâns fleantúchtypen, lykas de Mitsubishi J2M ''Raiden'' en de Mitsubishi A7M ''Reppu'', mar waard benammen bekend troch syn ûntwerp foar de Mitsubishi A6M Zero.

Horikoshi studearre oan de Universiteit fan Tokio dêr't er yn 1927 ôfstudearre. Dêrnei wurke er yn Nagoya by Mitsubishi Shipbuilding & Engineering Company dy't fan 1934 ôf Mitsubishi Heavy Industries hjitte soe. Dêr die Horikoshi sines oan de ûntwikkeling fan jachtfleantugen. Hy wie haadûntwerper fan de Mitsubishi A6M Zero dêr't sa'n 10.400 eksimplaren fan boud waarden yn de Twadde Wrâldoarloch.

Nei de Twadde Wrâldoarloch wurke Horikoshi mei Hidemasa Kimura oan it ferkearstastel NAMC YS-11. Hy naam ûntslach by Mitsubishi, joech ferskate kursussen en wie fan 1963 oant 1965 lektor by it Ynstitút foar Loft- en Romtefeart fan de Universiteit fan Tokio. Dêrnei wied er oant 1969 heechlearaar oan de Nasjonale Definsjeakademy.

Yn 1973 krige er de Oarder fan de Riizjende Sinne, tredde klasse. Hy ferstoar yn de âldens fan 78 jier yn in sikehûs yn Tokio.

• 
  Mitsubishi A5M (1935)
• 
  Mitsubishi A6M2 Zero Model 21 (1941)
• 
  Mitsubishi J2M Raiden (1943)
• 
  Mitsubishi A7M Reppu
• 
  NAMC YS-11

• Horikoshi, Jiro Eagles of Mitsubishi: The Story of the Zero Fighter. University of Washington Press (1992) ISBN 978-0-295-97168-1

Ofbylden dy't by dit ûnderwerp hearre, binne te finen yn de kategory Jirō Horikoshi fan Wikimedia Commons.