Beau monde

De beau monde (út it Frânsk: "moaie wrâld") of high society (út it Ingelsk: "hege maatskippij") is de hegerein of elite fan in beskate maatskippij mei syn libbensstyl en al syn hâlden en dragen. It is in sosjale klasse dy't him ûnderskiedt fan 'e rest fan 'e maatskippij troch de rykdom fan syn leden en de wize dêr't hja dy rykdom op brûke. Der klibbet oan dizze termen nammentlik sterk in assosjaasje mei uterlik fertoan fan djoere klean, sieraden en juwielen, ensfh., en teffens fan dekandinte feesten, bals en diners. Foarhinne wie de beau monde boppedat yn beskate lannen (lykas Grut-Brittanje) faak in tige sletten fermidden, dêr't men yn berne wêze moast om deryn trochkringe te kinnen.