Bad Bertrich

	Bad Bertrich
	Emblemen
	Bestjoer
Lân	Dútslân
dielsteat	Rynlân-Palts
lânkring	Cochem-Zell
ferbânsgemeente	Ulmen
Gemeente-yndieling	2 Ortsteile
	Sifers
Ynwennertal	1.038 (2023)
Oerflak	8,71 km²
Hichte	150 m
	Oar
Postkoade	56864
Koördinaten	50° 4'N 7° 2'E
	Offisjele webside
	www.bad-bertrich.de
	Kaart
	;

Bad Bertrich is in plak yn 'e Dútske dielsteat Rynlân-Palts. Bad Bertrich leit yn 'e Fulkaaneifel en makket diel út fan 'e lânkring Cochem-Zell.

De gemeente Bad Bertrich bestiet út de twa Ortsteilen Bad Bertrich mei de buorskippen Marienhöhe en Sonnenhof en Kennfus mei de buorskip Lucienhof.

Bestjoer

Lokaasje fan Bad Bertrich (read) yn 'e ferbânsgemeente (ljochtread) yn 'e lânkring Cochem-Zell (griis).

Bad Bertrich is ien fan 'e 16 saneamde Ortsgemeinden fan 'e ferbânsgemeente Ulmen.

Skiednis

Al yn 'e tiid fan 'e Romeinske keizers Falentinianus II en Gratianus waarden yn Bertriacum moaie badhûzen boud. De earste dokumintêre fermelding fan it plak wie yn 1097 yn in besitsdokumint fan aartsbiskop Egilbert fan Trier. Yn 1476 waard it plak in kuerplak fan Kar-Trier. De lêste karfoarst fan Trier, Klemens Wenzeslaus fan Saksen, liet hjir tusken 1785 en 1787 in karfoarstelik paleiske bouwe en brûkte dat as simmer- en jachtslot. Sûnt 1794 sloegen de Frânsen yn Bad Bertrich foar master op. Yn 1815 waard Bad Bertrich op it Kongres fan Wenen oan it Keninkryk Prusen tawiisd en Prusysk besit.

Op 1 jannewaris 1975 waard de oant dan selsstannige gemeente Kennfus by de gemeente Bad Bertrich yndield.

It besjen wurdich

De protestantske Filip Melanchtontsjerke.
De roomske Sint-Petrustsjerke.
It karfoarstelik slot mei bygebouwen.
De yn 1910 foltôge 14 m hege útsjochtoer (500 m eastlik fan it doarp op de Hohelay).
De jitizeren Hohenzollerntoer op 'e noardeastlik lizzende Krahlberg.
De Fulkaaneifel-termen.