Andreas Cornelius

Andreas Cornelius (Starum, ? - Harns, 1589) wie in kronykskriuwer. Neffens Suffridus Petrus, dy't fan apokrife skiedskriuwing fertocht wurdt, in Harnzer oargelist fan Starum.

De kronyk waard publisearre yn 1597 yn Ljouwert ûnder de titel Croniicke ende waarachtige Beschrijvinge van Vrieslant. Yn syn foaropwurd beweart Cornelius dat hy him basearret op wurken fan Ocko fan Skarl (út de 10e iuw) en op in kronyk fan Johannes Flytarp, skriuwers dy't fierders net bekend binne. It wurk waard al troch Ubbo Emmius as folslein ûnbetrouber ôfwiisd. Oer de troch Cornelius oanfierde boarne Johannes Flytarp is fierders neat bekend. Hy soe de sekretaris west ha fan in potestaat Martena, dy't ek troch nimmen oars neamd wurdt.^[1] Waterbolk fermoedet dat de kronyk troch Joachim Hopperus of in oare Fryske humanist út it fermidden fan Viglius fan Aytta komponearre wurden wêzen kin.

Boarnen, noaten en referinsjes

Boarnen, noaten en/as referinsjes:

Brouwer , J.H., J.J. Kalma , W. Kok en M. Wiegersma , red., Encyclopedie van Friesland, (Amsterdam: Elsevier, 1958), Andreas Cornelius.
Jacob van Lennep, Proeve van een kritiesch onderzoek der zoogenaamde kronijk van Andreas Cornelius, Bydragen foar heitelânske skiednis en âldheidkunde 1840, side 221.
Jan Bolhuis van Zeeburgh, Kritiek der Friesche geschiedschrijving, Den Haach 1873.
E.H. Waterbolk, Een vervalser betrapt? Een probleem in de Friese geschiedschrijving, Omtrekkende Bewegingen, 1995 (1962).

↑ Vlietarp, Johannes, Biographisch woordenboek der Noord- en Zuidnederlandsche letterkunde (1891).

[1] Vlietarp, Johannes, Biographisch woordenboek der Noord- en Zuidnederlandsche letterkunde (1891).

[1]