14e iuw

De 14e iuw of fjirtjinde iuw rûn fan 1 jannewaris 1301 oant 31 desimber 1400.

• De bestjoersfoarmen dy't har ûntwikkelen yn it tiidrek fan Fryske Frijheid reitsje stadichoan yn ferfal.
• Yn East-Fryslân nimt de macht fan de haadlingen ta.
• Yn Grinslân en Westerlauwersk Fryslân ûntstiet de partijstriid tusken Skieringers en Fetkeapers.

• De Hûndertjierrige Oarloch (1337-1454) tusken Ingelân en Frankryk brekt út.
• Nei alle gedachten sjitte tusken 1347 en 1351 troch de Swarte Dea in treddepart fan alle Jeropeänen it libben derby yn. Dêrby giet it om tsientallen miljoenen minsken.
• Yn Ingelân fermingt it Normandysk-Frânsk fan 'e adel him mei it Angelsaksysk fan 'e legerein ta in nije folkstaal.
• Op 'e Balkan kringe de Osmaanske Turken op. De sultans Moerad I en Bajezid I feroveren efterinoar Bulgarije (1388–1393), Servje (1389) en Walachije (1395), besette Tessaloniki (1387) en Tessaalje (1393) en ferslane yn 1396 in Hongaars-Westerske striidmacht, dy't it Byzantynske Ryk te help komt, te Nikopolis.
• Slepende striid tusken Welfen en Gibelinen yn Beieren, Saksen en Noard-Itaalje.
• Italjaanske stêdsteaten as Florâns, Feneesje en Genua wurde skatryk troch harren handel mei it Fiere Easten fia de Siderûte.

• Iuwskema
• Jierskema
• Deiskema

Boarnen, noaten en/as referinsjes:

Commons  Ofbylden dy't by dit ûnderwerp hearre, binne te finen yn de kategory 14th century fan Wikimedia Commons.