Adriaatisk Sia

Tekst üüb Öömrang

Aadria

Laag faan't Aadria uun't Madlunsia

At Aadria of uk Adriaatisk Sia (latiinsk Mare Adriaticum; itajeensk Mare Adriatico; bosnisk, kroatisk an serbisk Jadransko more of kurt Jadran; sloweensk Jadransko morje; albaansk Deti Adriatik of kurt Adriatiku), as en sidjensia faan't Madlunsia tesken at Apeniinhualeweilun an at Balkanhualeweilun. Hat as näämd efter det stääd Adria bi a Po uun Itaalien.

At Adriaatisk Sia as faan Nuurdwaast bit Süüduast 820 kilomeetern lung an amanbi 160 km briad. Uun't gehial as't 132.000 kwadrootkilomeetern grat an miast tesken 40 an 200 meetern jip. Efter süüden tu woort hat jiper bit deel tu't gratst jipde faan 1260 meetern. Uun't süüden täält det Struat faan Otranto tesken Süüditaalien an Albaanien üs grens. Süüdermuar leit at Ionisk Sia.

Lunen trinjam at Aadria san Itaalien, Sloweenien, Kroatien, Bosnien an Herzegowina, Montenegro an Albaanien.

Wichtag huuwenstääden san:

• uun Itaalien: Triest, Venedig mä Chioggia, Ravenna, Ancona, Pescara, Ortona, Bari, Brindisi
• uun Sloweenien: Koper
• uun Kroatien: Pula, Rijeka, Ploče, Zadar, Split, Dubrovnik
• uun Montenegro: Kotor, Bar
• uun Albaanien: Durrës, Vlora

 Commonskategorii: Aadria – Saamlang faan bilen of filmer