Koššõr

Koššõr om nimitüs, midä pruugitas söögi kotsilõ, miä om tett juutõ kasruti süümissäädüisi perrä. Kasruti säädüseq käüväq eläjist saaduisi süüke kotsilõ ja lupasõq söögis pruukiq õnnõ kimmäst sorti imetäjit, tsirkõ ja kallo. Söögisäädüs sääd, määntside tingimõisi perrä eläjit süvväq või ja kuis piät eläjä tapma. Juudi süümissäädüsen om tähtsä, et eläjit ja tsirkõ tappõn piät laskma näil verest tühäs juuskõq, selle et inemine tohe-iq verd süvväq.

Kasvosöögiq ommaq uma loomu perrä koššõriq, agaq näide tegemise ja süümise aigo tulõ näid soolaviin lopahutaq, et võimaligõst mutikist vallalõ saiaq. Päält tuu om koššõri söögi tegemise man tähtsä, et piimä- ja lihasüüke hoitõtas eräle külmäkapin ja et aiakraami, lihha ja kalla lõigatas esiq lõikamislavva pääl. Päält tuu om koššõrsöögis tävveste keelet tsialiha, jäneseliha ja kaamliliha, selle et nuuq eläjäq ommaq judaismi perrä kasimaldaq. Koššõr lupa süvväq kalla.

Viil om juudõl kombõs pitäq valgit kanamunnõ pruunõst ettembis, selle et pruunõ munnõ koorõ pääl võivaq ollaq pruuniq plekiq, midä peetäs vereplekes, kuigi nä periselt tuud ei olõq.