Categoría:Ciais del Mundu

La Tierra es el tercel praneta el Sistema Solal, considerandu el su longol al Sol, i el quintu sigún el su grandol. Es el únicu praneta el universu que se tiini conocéncia e que desisti i se cria la via, i se se holmó al mesmu tiempu qu'el Sol i el restu del Sistema Solal, hazi 4.570 millonis d'añus.

El 71% la superfici la Tierra s'alcuentra cubierta d'áugua, i es el únicu praneta del Sistema Solal ondi el áugua puei desistil de holma contínua en estau líquiu ena superfici. El áugua es mestel pala via i á holmau un sistema e cerculación i erosión únicu nel Sistema Solal.

Solu La Tierra presenta una tetónica e pracas ativa nel Sistema Solal: Marti i Venus quiciás tuvierun una tetónica e pracas en otrus tiempus peru uguañoti nu está ativa. Estu, uñiu a la erosión i la ativiá biulóhica, á hechu que la superfici la Tierra seya mu hovin eliminandu, pol sabulugal, abati tolos restus de cráteris, que marcan una tupa superficis del Sistema Solal.