Hunspell

Hunspell ortografia egiaztatzailea eta morfologia aztertzailea da, egitura morfologiko aberatsak eta karaktere sorta konplexuak erabiltzen dituzten hizkuntzentzako bereziki garatutakoa. Hasiera batean hungarierarentzako garatu zen software hau. Software librea da, GPL / LGPL / MPL lizentzia hirukoitzarekin argitaratzen delarik.

Hunspell
Jatorria
Sorrera-urtea	2003
Azken bertsioa	1.7.2
Ezaugarriak
Programazio-lengoaia	C++
Irakur dezake	Linux eta MacOS X
Egile-eskubideak	copyrightduna
Lizentzia	GNU Library General Public License, version 2.0 (en) eta Mozilla Public License, version 1.1 (en)
Deskribapena
Oinarritua	MySpell (en)
Ekoizpena
Garatzailea	Red Hat eta FLOSS contributor (en)
hunspell.github.io
Iturri-kodea	https://github.com/hunspell/hunspell

Hunspell MySpell softwarean oinarrituta dago, eta azken honek erabiltzen dituen hiztegiekin bateragarria da. MySpellek 8 biteko ASCII karaktere sortak erabiltzen ditu, eta Hunspell, ordea, UTF-8 Unicode bezala kodetutako hiztegiak erabiltzeko gai da.

Hurrengo software paketeek Hunspell darabilte:

• OpenOffice.org, bulegotika-suite plataforma-anitza (2006ko martxoaren 8ko 2.0.2 bertsiotik aurrera).
• Mozillaren Thunderbird / Firefox (3. bertsiotik aurrera) eta SeaMonkey (2. bertsiotik aurrera).
• WinShell, Windowserako TeX / LaTeX garapen tresna.
• Yudit, X Windows Sistemarako Unicode testu editorea.