Rudolph Marcus

Rudolph Arthur Marcus (Montreal, 1923ko uztailaren 21a) Estatu Batuetako kimikaria da, jatorriz kanadarra. McGill Unibertsitatean egin zituen ikasketak. 1949an, Estatu Batuetara aldatu zen, eta hango hiritartasuna eskuratu zuen 1958an. Hainbat unibertsitateko irakasle izan da, besteak beste, Brooklyngo Institutu Politeknikokoa (1951-1958) eta Illinoisko Unibertsitatekoa (1964-1978). 1978an, Kaliforniako Teknologia Institutuan hasi zen lanean katedradun gisa. Sistema kimikoetako elektroien transferentziazko erreakzioen teoriaren inguruan egindako ekarpenengatik da, batez ere, ezaguna. Prozesu kimiko oinarrizko horretarako ezarri zuen ereduaren arabera, molekulen egituran gertatzen dira bi molekulen artean elektroi baten transferentzia gerta dadin behar diren aldaketak, eta aldaketa horiei esker jauzi egiten du elektroiak molekula batetik bestera. Bestalde, aldaketa horiek sistema molekularraren energian duten eragina ikertu zuen adierazpen matematiko sinpleak erabiliz, eta horrela kalkulatu eta azaldu zituen elektroi-transferentzietan gertatzen diren abiadura desberdinak. 1992an, Kimikako Nobel Saria eskuratu zuen, erreakzio kimikoen elektroi-transferentziari eta erreakzio kimikoen abiadura-desberdintasunari buruz egindako lanengatik. Gaur egun, irakasle ari da AEBetako Caltechen eta Singapurreko Nanyang Teknologia Unibertsitatean. Bestalde, Zientzia Kuantiko Molekularreko Nazioarteko Akademiako kide da.

Rudolph Marcus
Irudi gehiago
Bizitza
Jaiotza	Montreal, 1923ko uztailaren 21a (101 urte)
Herrialdea	Kanada  Ameriketako Estatu Batuak  (1958 -
Bizilekua	Montreal
Hezkuntza
Heziketa	McGill Unibertsitatea Baron Byng High School (en)
Hezkuntza-maila	Doktoretza
Tesi zuzendaria	Carl A. Winkler (en)
Doktorego ikaslea(k)	Donald W. Noid (en) Nathan Hodas (en) Robert J. Cave (en)
Hizkuntzak	ingelesa
Jarduerak
Jarduerak	kimikaria eta unibertsitateko irakaslea
Enplegatzailea(k)	Illinoisko Unibertsitatea Urbana–Champaignen New York University Tandon School of Engineering (en) Ipar Carolinako Chapel Hilleko Unibertsitatea  (1949 -  1951) Kaliforniako Teknologia Institutua  (1978ko irailaren 1a -
Jasotako sariak	ikusi Kimikako Nobel Saria  (1992) Willard Gibbs Award  (1988) American Chemical Society Award in Theoretical Chemistry  (1997) Zientzia Domina Nazionala  (1989) Kimikako Wolf Saria  (1984) Humboldt Research Fellowship Lavoisier Medal  (1994) Centenary Prize  (1988) Fellow of the American Physical Society Irving Langmuir Award in Chemical Physics  (1978) Humboldt Prize Foreign Member of the Royal Society  (1987ko ekainaren 25a) Linus Pauling Award  (1991) Peter Debye Award in Physical Chemistry  (1988) Oesper Award  (1997) Remsen Award  (1991)
Kidetza	Royal Society Ameriketako Estatu Batuetako Zientzien Akademia Nazionala Txinako Zientzien Akademia Royal Society of Canada (en) International Academy of Quantum Molecular Science (en) Arteen eta Zientzien Ameriketako Estatu Batuetako Akademia Amerikako Sozietate Filosofikoa Ameriketako Fisika Elkartea