Paris Saint-Germain FC

Stade Saint-Germain (1904) eta Paris FC (1969) taldeek bat egitea erabaki zuten 1970an. 1974ean lehen mailara igotzea lortu zuen eta lehenengo garaipenak Kopa txapelketan iritsi ziren, 1982 eta 1983an. Lehenengo liga berriz 1986koa izan zen. Emaitza hauek Europan jokatzeko aukera eman zioten eta bereziki gogoangarria da Juventus FC-ren aurkako kanporaketa.

1991eko maiatzean Canal+ telebista kateak erosi zuen taldea eta Paris Saint-Germainek "urrezko aro" bati hasiera eman zion, hamarkada honetan Liga bakarra eskuratu arren 3 kopa eskuratu baitzutuen. Honetaz gain Europako lehenengo garaipena iritsi zen, bi aldiz jarraian Europako Errekopako finalak jokatu baitzituen, bata irabazi (Rapid Vienaren aurka 1-0) eta bestea galduz (FC Barcelonaren aurka 1-0).

Milurteko berria ere maila berean hasi du, liga bat eta hiru kopa irabaziz. Hala ere Europa mailan Intertoto Kopa bat baino ez du irabazi.

2011ean Qatar Investment Authority bihurtu zen Paris Saint-Germainen %70aren jabe. Nasser Al-Khelaïfi enpresagizonak berehala fitxaketa handiak egin zituen, urte hartan Europa osoan diru gehien gastatu zuen bigarren taldea izanik (Manchester Cityren ondoren). Hala ere lehenengo denboraldi hartan emaitza ez ziren esperotakoak izan, Liga ez irbazteaz gain UEFA Europa Leaguen ere taldekako fasea ez baitzuen gainditu. Taldekako fase hartan Bilboko Athletic Kluba izan zuen aurkari.

2012-13 urtean fitxaketa berriak egin ditu (Zlatan Ibrahimović, Thiago Silva, Lucas Moura eta Ezequiel Lavezzi) 146 milioi euro gastatuz eta Liga irabazi erraz irabazi du bigarrenari 12 puntu atereaz. Txapeldunen Ligan final laurdenetara iritsi zen, FC Barcelonak kanporatu zuen. 2013-14 denboraldian berriz irabazi zuen liga, errekorrak ezarriz gainera puntu eta gol kopuruetan. 2014-15 denboraldian Frantzian jokoan jarritako txapelketa guztiak irabazi zituen. Txapeldunen Ligan ere final laurdenetaraino iritsi zen baina berriz ere FC Barcelonak kanporatu zuen.

2015-16an marka guztiak hautsi zituen Frantziako Ligan. 96 puntu lortu zituen bigarrenari 31 aterata, 30 partida irabazi zituen eta 102 gol sartu zituen. Horretaz gain Kopa, Ligako Kopa eta Superkopa ere irabazi zituen. Europan ordea ez zuen emaitza aipagarririk lortu, final laurdenetan kanporatua izan baitzen. 2016-17an Unai Emery entrenatzaile hondarribitarra fitxatu zuen. Bigarrena izan zen Ligan baina Kopa eta Ligako Kopa irabazi zituen. 2017-18an Liga eta Kopa eskuratu zituen.

2019-20 denboraldian COVID-19 pandemiak Liga bertan behera utzi zuen 28. jardunaldia osatzear zela. Paris Saint-Germanek partida jokatzeko zeukala 12 puntuko aldea ateratzen zion bigarrenari eta apirilean txapeldun izendatua izan zen. 2020an aurreneko aldiz Txapeldunen Ligako finala jokatzeko txartela eskuratu zuen baina Bayern Munichek 1-0 emaitzaz garaitu zuen.

2021eko udan Lionel Messi jokalari argentinarra fitxatu zuen. Hamargarren liga txapelketa eskuratu zuen, rankingean Saint-Étienne historikoa berdinduz. Kylian Mbappé laugarren aldiz jarraian izan zen Ligako golegile nagusia. 2022-23 denoraldian hamaikagarren Liga irabazi zuen eta Mbappé bosgarrenez izan zen golegile nagusia.

1970an sortu zenean taldeak Paris hiriaren koloreak diren urdina eta gorria hartu zituen eta Stade Saint-Germain taldearen kolore zuriarekin konbinatu zuen.

Stade Saint-Germain

Paris FC

1970

1973-tik

2013-2014	2014-2015	2015-2016	2016-2017	2017-2018
2018-2019	2019-2020	2020-2021	2021-2022	2022-2023
2023-2024	2024-2025

2023ko uztailaren 20an eguneratua.

Zbk. Postua Jokalaria 2   ATZ Achraf Hakimi 3   ATZ Presnel Kimpembe 4   ERD Manuel Ugarte 5   ATZ Marquinhos 6   ERD Marco Verratti 7   AUR Kylian Mbappé 8   ERD Fabián Ruiz 10   AUR Neymar 14   ATZ Juan Bernat 15   ERD Danilo Pereira 16   ATE Sergio Rico 17   ERD Vitinha 18   ERD Renato Sanches 20   ATZ Layvin Kurzawa 25   ATZ Nuno Mendes 26   ATZ Nordi Mukiele 28   ERD Carlos Soler 29   ATZ Timothée Pembélé 31   ATZ El Chadaille Bitshiabu 33   ERD Warren Zaïre-Emery 34   ATZ Serif Nhaga 35   ERD Ismaël Gharbi 37   AUR Ilyes Housni 38   ERD Edouard Michut

Zbk. Postua Jokalaria 40   ATE Mathyas Randriamamy 44   AUR Hugo Ekitike 70   ATE Lucas Lavallée 90   ATE Alexandre Letellier 99   ATE Gianluigi Donnarumma -   AUR Mauro Icardi -   ATZ Abdou Diallo -   ATE Keylor Navas -   ERD Leandro Paredes -   AUR Marco Asensio -   ATZ Vimoj Muntu Wa Mungu -   AUR Julian Draxler -   ERD Zoumana Bagbema -   AUR Djeidi Gassama -   ATE Louis Mouquet -   ATZ Colin Dagba -   AUR Kenny Nagera -   ERD Lee Kang-in -   ATZ Nehemiah Fernandez -   ERD Edouard Michut -   ATZ Milan Skriniar -   ATZ Lucas Hernández -   ERD Cher Ndour

Zbk. Postua Jokalaria -   ERD Xavi Simons (RB Leipzigen utzita 2024ko ekainaren 30 arte)

• Ligue 1 (12): 1986, 1994, 2013, 2014, 2015, 2016, 2018, 2019, 2020, 2022, 2023, 2024.
• Frantziako Kopa (15): 1982, 1983, 1993, 1995, 1998, 2004, 2006, 2010, 2015, 2016, 2017, 2018, 2020, 2021, 2024.
• Ligako Kopa (9): 1995, 1998, 2008, 2014, 2015, 2016, 2017, 2018, 2020.
• Trophée des champions (Superkopa) (11): 1995, 1998, 2013, 2014, 2015, 2016, 2017, 2018, 2019, 2020, 2022.

• Txapelduna (0)
• Finalista (1): 2020.

• Txapelduna (1): 1996.
• Finalista (1): 1997.

• Txapelduna (1): 2001.

• Txapelduna (0)
• Finalista (1): 1996.

• International Champions Cup (2): 2015, 2016

Jean Djorkaeff, Nicolas Anelka, Jocelyn Angloma, Luis Fernandez, Mikel Arteta, Kylian Mbappé.

PSGk euskal taldeen aurka jokatu dituen partida ofizialak:

Gaur egun Olympique Lyonnais-en ondoren Frantziako talderik indartsuena da, azken lau urteetan ligan bigarren egin baitu. Ez du ordea ligarik irabazi. 2015ean Txapeldunen Ligako finala jokatu zuen baina FFC Frankfurt taldeak 2-1 emaitzaz garaitu zuen.

• Txapeldunen Liga:
  • Txapelduna (0)
  • Finalista (1): 2015.
• Frantziako Liga
  • Txapelduna (0)
  • Bigarrena (5): 2011, 2013, 2014, 2015, 2016.
• Frantziako Kopa:
  • Txapelduna (1): 2010.
  • Finalista (2): 2008, 2014.

• (Frantsesez)(Ingelesez)PSGren webgune ofiziala

2022-23 denboraldiko Frantziako Futbol Liga Txapelketako taldeak
Ajaccio | Angers | Auxerre | Brest | Clermont | Lens | Lille | Lorient | Monaco | Montpellier | Nantes | Niza | Olympique Lyonnais | Olympique Marseilla | Paris Saint-Germain | Stade Reims | Stade Rennais | Strasbourg | Toulouse | Troyes