[go: up one dir, main page]
Wikipedia

Marta Marrero

kanariar tenislaria, padel jokalari profesionala eta enpresaburua

Marta Marrero Marrero (Arucas, Las Palmas Kanaria Handikoa, 1983ko urtarrilaren 16a) kanariar tenislaria, padel jokalari profesionala eta enpresaburua da. Tenisean ranlkingeko 47. postuan egon zen. Gero, padelean 1. postuan egotea lortu zuen.[1] 2022aren amaieran erretiratu zen padeletik, Bartzelonako Master finalean, bere amatasunean zentratzeko,[2] [3] pare bat urtera edo, itzultzeko asmoz.[4][5][6]

Marta Marrero

Bizitza
Jaiotzako izen-deiturakMarta Marrero Marrero
JaiotzaLas Palmas Kanaria Handikoa, 1983ko urtarrilaren 16a (41 urte)
Herrialdea Espainia
Hezkuntza
Hizkuntzakgaztelania
Jarduerak
Jardueraktenislaria, padel player (en) Itzuli eta enpresaburua
Pisua64 kilogramo
Altuera173 zentimetro

Aurial Padel by Marta Marrero izeneko padel-kluben taldeko fundatzaile eta inbertitzailea da, Jon Grau senarrarekin eta Daniel Osés bazkidearekin batera. Talde horrek Sant Cugat del Vallés, Vic eta Cornellà del Llobregat, Sabadell eta Lleidan ditu zentroak. 2023an Aurial Academy plazaratu zuen, Bartzelonan egoitza duen jokalari profesionalen akademia.

Ibilbidea

aldatu

Bere kirol ibilbidea tenislari gisa hasi zuen, munduko 47. postuan amaituz eta eta WTA zirkuitu profesionaleko hainbat titulu irabazi zituen, bai bakarka, bai binaka. Roland Garroseko final-laurdenetara 17 urterekin iritsiz zen, baina lesioek lasterketa uztera behartu zuten. Eta orduantxe pasatu zen padelera, non 1. izatera iritsi zen, 2016an Alejandra Salazar bikote zuela eta 2019an Marta Ortega Gallegorekin.[5]

Tenisa: Tituluak (2; 0+2)

aldatu

Tenislari gisa munduko rankingeko 47. postuan egon zen,

Sailkapena Grand Slameko txapelketetan
aldatu
Txapelketa 2010 2009 2008 2007 2006 2005 2004 2003 2002 2001 2000 Tituluak
Australiako Opena - - - - - 1E 1E 2R 2R 4R 2R 0
Roland Garros - - - - 1E 2R 1E 2R 3R FK 0
Wimbledon - - - - 1E 1E 1E 2R 2R - 0
US Open - - - - - 1E 1E 1E 1E 1E 0

Bikoitzak (2)

aldatu
Legenda
Grand Slam (0)
WTA Tour Championships
Tier I (0)
WTA Tour (2)
Zenbakia Data Txapelketa Azalera Bikotea Aurkariak finalean Emaitza
1. 2004ko martxoaren 10a Sopot   Polonia Lur irabiatua Nuria Llagostera   Espainia Klaudia Jans   Polonia
Alicja Rosolska   Polonia 		6-4 6-3
2. 2005eko apirilaren 14a Istanbul   Turkia Lur irabiatua Antonella Serra   Italia Daniela Klemenschits   Austria
Sandra Klemenschits   Austria 		6-4 6-0

Binakako finalista (3)

aldatu

Padela

aldatu

Marta Marrero 2013an hasi zen World Padel Tourrean (WPT) jokatzen Alejandra Salazarrekin batera. 2015ean Mapi Sánchez Alayeto eta Majo Sánchez Alayetoren itzalean egon ostean, 2016an World Padel Tourrean lehen postura iritsi ziren, denboraldi ikusgarriaren bigarren zati baten ostean. 2017an, Alejandra Salazar bikote lankideak lesio garrantzitsu bat izan zuen, eta ezin izan zuen txapelketan jarraitu. 2018an Cata Tenorio izan zuen bikotekide Salazar lanera itzuli zen arte. Tarte horretan, Marrerok bere jokoa hobetu zuen, defentsako erregistro sendoagoak eta erasorako bokazio handiagoa lortuz. 2018ko denboraldian, Marta Marrerok eta Alejandra Salazarrek WPT rankingeko bigarren postuan amaitu zuten, nahiz eta titulu gehien lortu zituen bikotea izan (sei). Hala ere, beren bideak bereiztea erabaki zuten. 2019an, Marta Ortega Gallego jokalari gazte madrildarrarekin osatu zuen bikotea eta harexekin lortu zuen lehen postua World Padel Tour rankingean denboraldi amaieran, 2019an lortutako zazpi tituluei esker. Hala eta guztiz ere, 2020an, Paula Josemaría izan zen bere kirol bikote berria.[7]

2022aren amaieran padeletik erretiratiratu egingo zea jakinarazi zuen, Bartzelonako Master finalean, amatasunean zentratzeko, eta 2024an itzultzeko asmotan.[4][5][8][9]

2024ko ekainean itzuli zen pistetara Premier Padel Bordele txapelketan.[10] Marta Marrero munduko lehen jokalari ohia pistetara itzuli zen urte eta erdi geroago, Aranzazu Osororekin bikotea eginez eta 6-3 6-4 irabazi zien Carolina Orsi eta Daiara Valenzuelari, Betclick Bordeaux Premier Padel P2 txapelketako final-zortzirenetara sailkatuz. [11]

Enpresari

aldatu

2017an ekin zion bere enpresa-abenturari Sant Cugat del Vallèsen, Aurial Padel by Marta Marrero izeneko padel-kluben taldea sortuz. Sektorea Espainian eta nazioartean sendotzea bilatzen duen lehen padel-operadorea da.[4]

Erreferentziak

aldatu
  1. ↑ (Gaztelaniaz) javi. (2020-05-19). «Marta Marrero, actual nº1 del mundo del Pádel femenino.» Invisible Training (Noiz kontsultatua: 2024-07-11).
  2. ↑ (Gaztelaniaz) Ojeda, Enrique. (2022-12-14). «Marta Marrero: “Mi retirada obedece al deseo de ser madre”» Diario AS (Noiz kontsultatua: 2024-07-11).
  3. ↑ (Gaztelaniaz) AnalistasPadel. (2022-12-07). «MARTA MARRERO SE RETIRA, CONOCE LOS MOTIVOS» AnalistasPadel (Noiz kontsultatua: 2024-07-11).
  4. ↑ a b c (Gaztelaniaz) «Marta Marrero, jugadora y empresaria en el mundo del pádel» MARCA 2022-05-04 (Noiz kontsultatua: 2024-07-11).
  5. ↑ a b c (Gaztelaniaz) «Marta Marrero anuncia su despedida del pádel» www.sport.es 2022-12-07 (Noiz kontsultatua: 2024-07-11).
  6. ↑ (Gaztelaniaz) La temporada 2023 no contará con Marta Marrero: la canaria se retira temporalmente de la competición. (Noiz kontsultatua: 2024-07-11).
  7. ↑ (Gaztelaniaz) Padelazo, Nacho. (2020-02-20). «Análisis Marta Marrero - Paula Josemaría: mortero y dinamita» Padelazo - Noticias Padel, World Padel Tour, Videos Padel (Noiz kontsultatua: 2024-07-11).
  8. ↑ (Gaztelaniaz) Addict, Padel. (2022-12-07). «Marta Marrero se retirará temporalmente de la competición» Padel Addict (Noiz kontsultatua: 2024-07-11).
  9. ↑ (Gaztelaniaz) «Marta Marrero anuncia su despedida del pádel» www.sport.es 2022-12-07 (Noiz kontsultatua: 2024-07-11).
  10. ↑ (Gaztelaniaz) «Marta Marrero: "Tuve dudas sobre si querrían jugar conmigo después de año y medio parada"» MARCA 2024-05-29 (Noiz kontsultatua: 2024-07-11).
  11. ↑ (Gaztelaniaz) «Marta Marrero regresa a las pistas con victoria año y medio después en Burdeos» MARCA 2024-06-13 (Noiz kontsultatua: 2024-07-11).

Kanpo estekak

aldatu
"https://eu.wikipedia.org/w/index.php?title=Marta_Marrero&oldid=9920381"(e)tik eskuratuta