Lucien Bodard

Lucien Bodard
Bizitza
Jaiotza	Chongqing, 1914ko urtarrilaren 9a
Herrialdea	Frantzia
Lehen hizkuntza	frantsesa
Heriotza	Parisko 7. barrutia, 1998ko martxoaren 2a (84 urte)
Hobiratze lekua	Montparnasseko hilerria
Familia
Aita	Albert Bodard
Ezkontidea(k)	Mag Bodard (en) ; Marie-Françoise Leclère (en)
Hezkuntza
Heziketa	École des Roches (en)
Hizkuntzak	frantsesa
Jarduerak
Jarduerak	gerra-berriemailea, kazetaria eta idazlea
Enplegatzailea(k)	France Soir
Lan nabarmenak	ikusi Anne Marie (en) ;
Jasotako sariak	ikusi Goncourt Saria (1981) : Anne Marie (en) ; Interallié saria (1973) ; Officer of the National Order of Merit (1993ko ekainaren 24a) ; prix du nouveau cercle de l'Union ;

Lucien Bodard (Chongqing, Txina, 1914ko urtarrilaren 9a - Paris, 1998ko martxoaren 2a) kazetari eta idazle frantsesa izan zen.

Biografia

Aita diplomatikoa zuen, eta lehenengo urteak Txinan eman zituen. Ondoren, Frantziara joan zen, eta han, zientzia politikoetako diploma lortu zuen.

Afrika iparraldera lehenbizi eta Londresa bidaiatu zuen ondoren, eta 1944an kazetari gisa hasi zen lanean, behin-behineko, gobernuaren prentsa-informazioko sailean.

1946an France Illustration aldizkarian idazten zituen zutabeekin egin zen ezaguna; haietan Afrika iparraldeko deskolonizazioa ezinbestekoa zela adierazten zuen. Handik bi urtera, France-Soir aldizkariko kide izan zen. Erreportari-lanen ondorioz, XX. mende erdialdeko fronte gogorrenetara joan behar izan zuen: Indotxina (1948-1954), Hong Kong, Maoren Txina, iparraldeko Afrika, Hego Amerika eta abar. Bidaia horietan milaka artikulu eta hainbat liburu idatzi zituen.

1957an La Chine de la douleur (Oinazearen Txina) idatzi zuen, Maoren garaiko izua salatzen duena. 1963tik 1967ra bitartean, Indotxinako gerrari buruzko trilogia idatzi zuen: L´Enlisement (Hondamendia), L´Humiliation (Iraina), L´Aventure (Abentura). Lan horietan eleberrigile handien adimena eta energia erakusten du, kazetariaren jardueraren mende.

Aipagarriak ditu, bestalde, Txina inspirazio-iturri izan zuten Monsieur le Consul (1973, Kontsul jauna), La Vallée des roses (1977, Arrosen bailara) eta Anne Marie (lan horri esker 1981ean Goncourt Saria irabazi zuen) lanak.

Bere azken liburua, hura ere Txinan oinarritua, hil eta hilabete batzuetara argitaratu zen, Le Chien de Mao (Maoren zakurra), diktadorearen alargunaren biografia.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q3142466