Kai Nakai
Iratxe Aguilera (Gasteiz, 1996ko apirilaren 29a), Kai Nakai izen artistikoaz ezagunagoa, musika urbanoa lantzen duen gasteiztar abeslaria eta musikagilea da. Musika urbanoa abesten du, gehiena reggaetoia, nahiz eta pop, trap eta disko bezalako beste genero batzuk ere eskaintzen dituen. Musika euskaraz egiten du eta aldarrikatzen du genero hori ere feminista izan daitekeela.[1][2] [3][4][5]
| Kai Nakai | |
|---|---|
 | |
| Bizitza | |
| Jaiotza | Gasteiz, 1996ko apirilaren 29a (28 urte) |
| Herrialdea |  Araba, Euskal Herria |
| Hezkuntza | |
| Heziketa | Euskal Herriko Unibertsitatea |
| Hizkuntzak | euskara gaztelania |
| Jarduerak | |
| Jarduerak | abeslaria eta musikaria |
| Influentziak | María Becerra, Lola Indigo eta Rosalía |
| Izengoitia(k) | Kai Nakai |
| Genero artistikoa | pop musika Latinoamerikar musika musika elektronikoa |
| Musika instrumentua | ahotsa |
| kainakai.com | |
       | |
Ibilbidea
aldatu2019an Durangoko Azokako Sormen Beka irabazi zuen musika urbanoa, euskaraz eta feminista egiteari buruzko proposamenarekin.[6]
2020an ekin zion musika urbanoa egiteari, Kai Nakai goitizenarekin.[1] Izen artistikoak bere identitateari erreferentzia egiten dio: kai hitz euskaldunaren eta nakal hitz indonesiarretik ("bihurri" esan nahi du) eratorritako nakai hitzaren batura da.[7]
2020ko abenduan aurkeztu zuen Baimenik Gabe lehen diskoa Durangoko Azokan.[2][8] Album horretan, askatasuna sustatzen duten letrei esker, gizarteak urteetan ezarri dituen patroiak deuseztatu nahi ditu.
2021ean EP bat atera zuen, Maitia izenekoa. Hor, maitasun-istorio baten faseak aurkezten dira, bost abestiren bidez: lehen maitasunetik hasi, maitasun toxikotik igaroz, norberaren maitasuna, maitemina eta benetako maitasuna lortu arte. Bestalde, bi single atera zituen: 15K (Hamabostmila) eta Nahikoa Dela, Beldur Barik 2021 lehiaketaren abestia izan zena.
2022an TIRA singlea atera zuen.
Diskografia
aldatuAlbumak
aldatuEP-ak
aldatuSingleak
aldatu- TIRA (2022)
- Zalantzarik Ez (2021)
- 15K (Hamabostmila) (2021)
- Nahikoa Dela (2021)
- Ipuinik Ederrena (Akustikoa) (2021)
- Ez Dakit (2020)
- Emoiztazu Bihotz (2020)
- Kolpe (2020)
Erreferentziak
aldatu- ↑ a b Buruaga, Mikel. (2020-04-18). «Iratxe Aguilera, Kai Nakai: "Dakarguna periferiatik dator; ez da betidanik entzun dugun euskal musika"» Alea (Noiz kontsultatua: 2020-10-15).
- ↑ a b Satrustegi, Iñigo. (2020-04-18). «Askatasunerako deia, doinu dantzagarriekin» Berria (Noiz kontsultatua: 2020-10-15).
- ↑ «Kai Nakai, abeslaria» EITB Euskal Irrati Telebista 2020-11-27 (Noiz kontsultatua: 2021-01-26).
- ↑ Astiz, Iñigo. «Kai Nakai: reggaeton euskaldun eta ahaldundua» Berria (Noiz kontsultatua: 2021-01-26).
- ↑ Imaz, Andoni. «Agertokiko hitzak eta ekintzak» Berria (Noiz kontsultatua: 2021-01-26).
- ↑ «Iratxe Aguilera musikari urbanoarentzat Durangoko 54. Azokako Sormen Beka» Diario Vasco 2019-12-06 (Noiz kontsultatua: 2020-10-15).
- ↑ «Aizu!» www.aizu.eus (Noiz kontsultatua: 2021-01-26).
- ↑ «Kai Nakai, Plateruenako oholtza gainean» EITB Euskal Irrati Telebista (Noiz kontsultatua: 2021-01-26).
- ↑ «Maitia» www.badok.eus (Noiz kontsultatua: 2021-12-29).
Datuak: Q100376270
Multimedia: Kai Nakai / Q100376270