Gerrie Knetemann

Gerard Friedrich «Gerrie» Knetemann (1951ko martxoaren 6a, Amsterdam – 2004ko azaroaren 2a Bergen op Zoom) Herbehereetako txirrindulari profesionala izan zen. 1978ko Munduko Errepideko Txirrindularitza Txapelketa irabazi zuena. Lau urtez jarrian, Tourreko hasierako etapetan elastiko horia jantzi zuen, 1977 eta 1980 artean.

Gerrie Knetemann
Irudi gehiago
Bizitza
Jaiotza	Amsterdam, 1951ko martxoaren 6a
Herrialdea	Herbehereetako Erresuma
Heriotza	Bergen, 2004ko azaroaren 2a (53 urte)
Heriotza modua	berezko heriotza: miokardio infartu akutua
Familia
Seme-alabak	ikusi Roxane Knetemann (en)
Jarduerak
Jarduerak	txirrindularia eta pistako txirrindularia
Ibilbidea
Taldeak	Urteak
TI-Raleigh	1976-1983
Mercier	1974-1975
Europ Decor	1984-1984
Sem	1985-1985
PDM (en)	1986-1989
Parte-hartzailea Frantziako Tourra 1977 Super Prestige Pernod (en) (7.) 1978 Super Prestige Pernod (en) (4.)
Jasotako sariak	ikusi Knight of the Order of Orange-Nassau Dutch cyclist of the year

Lau aldiz irabazi zuen Herbehereetako Itzulia eta 11 aldiz korritu zuen Frantziako Tourra, 1974 eta 1987 artean, 10 etapa irabaziz, hau Herbehereetako errekorra izanik, soilik Jan Raasek eta Joop Zoetemelkek berdindu dutena. Knetemannek 127 lasterketa irabazi zituen profesional gisa.

Knetemannek Amsterdamgo azentua mantendu zuen beti eta umore zorrotza zuen, ezaugarri horiek kazetarien kuttuna bihurtu zuen eta bai telebista zein irratiko agerraldiak ohizkoak ziren. Bere urterik onena Frantziako Tourrean 1978 izan zen, 6. etapatik aurrera gidatu zuelarik. Bi egun geroago, liderraren elastiko horia galdu arren, bi etapa gehiago irabazi zituen (horien artean Tourreko azkena, Parisko Champs-Elysées famatuetan).

Raas eta bere TI-Raleigh taldekideekin batera, Knetemannek oinarrizko papera jokatu zuen Zoetemelken 1980ko Tourreko garaipenean, taldeak hamabi etapa irabazi zituen, Tourreko historiako etaparik dominatzaileenetako bat izan zelarik.

Bere karrerak behera jo zuen 1983ko martxoan Flandrian Zehar lasterketan izandako istripu baten ondorioz. Hainbat hilabete behar izan zuen errekuperatzeko, eta, Tourrean berriz ibili zen arren, ez zuen lehen bezain fin eta distiratsu aritu. Hala eta guztiz ere, Knetemannek 1985ean Amstel Gold Race klasikoa irabazi zuen. 1991n erretiratu zen lasterketatik eta Holandako selekzioaren entrenatzaile izendatua izan zen.

Knetemann, Bergen op Zoomen hiru lagunekin bizikletaz ibiltzen ari zelarik hil zen, bihotzeko batek jota.

Emaztea, Gre Donker, ere lasterketako txirrindularia izan zen. Seme bat eta bi alaba izan zituzten. Alabetako bat, Roxane Knetemann 1987an jaioa, ere txirrindulari profesionala izan zen.