City of London

City of London
	Erresuma Batua
Administrazioa
Estatu burujabe	Erresuma Batua
Herrialdea	Ingalaterra
Ingalaterrako eskualdea	Londresko eskualdea
ISO 3166-2	GB-LND
Londreseko Lord alkatea	Charles Bowman (en) City of London Corporation (en)
Zatiketa	ikusi Ward of Aldersgate (en) , Aldgate, Portsoken (en) , Ward of Bassishaw (en) , Ward of Billingsgate (en) , Ward of Bishopsgate (en) , Ward of Bread Street (en) , Ward of Bridge (en) , Ward of Broad Street (en) , Ward of Candlewick (en) , Ward of Castle Baynard (en) , Ward of Cheap (en) , Ward of Coleman Street (en) , Ward of Cordwainer (en) , Ward of Cornhill (en) , Ward of Cripplegate (en) , Ward of Dowgate (en) , Ward of Farringdon Within (en) , Ward of Farringdon Without (en) , Ward of Langbourn (en) , Ward of Lime Street (en) , Queenhithe (en) , Ward of Tower (en) , Ward of Vintry (en) , Ward of Walbrook (en) eta Norton Folgate (en) ;
Geografia
Koordenatuak	51°30′56″N 0°05′35″W / 51.5156°N 0.0931°W
Azalera	2,904 km²
Mugakideak	Westminster Hiria, Camden, Islington, Hackney eta Tower Hamlets
Demografia
Biztanleria	8.583 (2021); 0 (2021)
Dentsitatea	2.955,58 bizt/km²
Etxebizitzak	5.530
Ordu eremua	Greenwich Meridianoko Ordua eta UTC±00:00

City of London deituriko eremua Londres erdigunean dagoen hiria eta konderria da aldiberean. Izan ere Erresuma Batuko finantzen udalbarruti garrantzitsuena da, bai eta munduko nagusienetarikoa ere.

Historian zehar, Londres hiria Cityaren eta West Enden inguruan egituratu izan da. Azkenengo hamarkadetan, izugarrizko eraikinak jaso dituzte Cityan; adibidez, Tower 42 (1990era arte Ingalaterrako eraikinik altuena, "Nat West Tower" gisa ezagutua) eta orain dela gutxiko 30 St Axe, 2003an egindakoa eta, bere itxura dela eta, the Gherkin edo '(ozpinetako) pepinoa' ere deitua.

Historia

K.a. 47 urtearen inguruan markatariak ezarri ziren eremu honetan baina erromatarrek K.a. 43 urtean konkistatu eta Londinium hiria sortu zuten orain City-a dagoen muinoan. Erromatarren inperioaren gainbeherarekin batera hiriak ere behera egin zuen.

Ingelesen lehen erregea kontsideratzen den Alfredo Handia, Wessexekoak erromatarren hiri zaharra okupatu zuen eta 886tik aurrera berriztu egin zuen harresi berriak ezarrik eta ibaiertzean kaiak eraikiz. X mendean dagoeneko orduan hiriburua zen Winchester baino handiagoa eta aberatsagoa bihurtu zen.

Erdi Aroan 25 barruti ezarri ziren. Hiria zabaldu ahala XVI mendean eremurik aberatsena sortzen hasi zen erdigunean, Royal Exchange (Burtsa) eta Ingalaterrako Bankua eraikitzerakoan. Hiriak hainbat sute izan zituen, bereziki larria 1666ko Londresko Sute Handia izan zen. Honek hiria suntsitu zuen eta berriz altxatu behar izan zen. Berreraikuntza honen sinbolo aipagarriena Christopher Wren arkitzektuaren San Paulo katedrala izan zen, 1708an bukatu zena.

XIX mendeko Industria Iraultzak Londres izugarri hedatzea ekarri zuen eta XX mendean biztanleek hiriaren periferiarako joera izan zuten. 1894an Citya eta inguruko Londresko konderria bateratzeko ahalegina egin zen baina ez zen gauzatu eta oraindik ere biek banatuta diraute. Bigarren Mundu Gerrako bonbaketek kalte handiak eragin zizkioten Londres guztiari eta baita Cityari ere, 1940an Londresko bigarren Sute Handia eragiteraino. 1970 hamarkadan dorre handiak eraiki ziren.

Ondarea

Cityan daude, besteak beste, San Paulo katedrala, Guildhall (udaletxe zaharra) eta Mansion House, alkatearen egoitza. Bestalde, Londresko alde honetako biztanleria oso eskasa da (7.000 biztanle inguru), baina lanegunetan 300.000 pertsona baino gehiago biltzen dira bertan. Horrenbestez, asteburuetan nahiko toki bakartia izaten da.

Etxe orratz aipagarrienak:

Londresko dorrea eta Tower Bridge ("Dorreko zubia") zubi ezaguna, hiriaren ikur bereizgarrietako bat, hiriaren mugan daude baina Tower Hamlets udalerriari dagozkio.

City of London

Eduki-taula

Historia

Ondarea

Iruditegia

Ikus, gainera

Kanpo estekak