City of London

De City of London is 't historisch en financieel herte van Londn. 't Wordt ook wel kortweg The City genoemd, of The Square Mile (De Vierkante Myle), omda 't ippervlak van de City 1 vierkante myle bedroagt of 2,6 km². Tegoare mè twoalf boroughs makt 't dêel uut van Inner London dat, omriengd deur Outer London, in Grôot-Londn ligt.

De City telt à peu près 7.000 inweuners, moa mêer of 300.000 menschn pendeln der noatoe vo te goan werkn, surtout in de financiële sector.

In 1666 is de de City of London bykan hêlegans platgebrand. Ip de plekke woa dat de brand uutbrak stoat er nu e monument, e piloare van 62 meter hoge. St. Paul's Cathedral is gebouwd ip de plekke woa dat de middelêeuwsche kathedroale ofgebrand is. 't Ountwerp is van den architect Sir Christopher Wren.

Andere historische gebouwn zyn Royal Exchange, Mansion House, verschillige kerkn en Guildhall, e gebouw die hounderdn joarn gebruukt is ols stadhuus en die nu nog assan 't ceremonieel en administratief center is van de City of London.

• 
  De Grôte Brand van 1666
• 
  St. Paul's Cathedral in 1896
• 
  Guildhall

In de joarn 1970 begostn ze styf hoge burêelgebouwn te zettn in de City, lyk Tower 42 of Natwest Tower (183 m) mè 47 verdiepn, den êeste wolknkrabber in 't Verênigd Keunienkryk. Andere zyn 30 St. Mary Axe (The Gherkin of de cornichong), de Broadgate Tower, de Heron Tower en nog andere die in anbouw zyn.

• 
  Tower 42
• 
  The Gherkin
• 
  Heron Tower

Ofbeeldiengn die ier by passn ku je vien in de categorie City of London van Wikimedia Commons.