Chet Baker
Chesney Henry "Chet" Baker, Jr. (Yale, Oklahoma, 1929 – Amsterdam, 1988) estatubatuar jazz-musikagilea izan zen. Aita nekazari eta gitarra-jotzaile zuen. Tronpeta-jotzaile gisa hasi zen Glendale High Schooleko dantza-orkestran. 1946an 298. gudarosteko orkestran jo zuen (Berlin) eta bop musika ezagutu zuen. Kaliforniara itzuli zenean, musika-teoria ikasten hasi zen Los Angelesen (1948). 1950ean armadan sartu zen berriz ere, eta Los Angeleseko Presidio Army Bandera bidali zuten. Garai hartan Los Angeleseko jazz-klubetara joaten zen, eta han Dexter Gordon ezagutu zuen. Gerry Mulliganek 1952an bere laukotean aritzeko deitu zion. 1953an talde hori utzi, eta Russ Freeman piano-jotzailearekin batera beste laukote bat osatu zuen. Garai horretan hasi zen abesten. Disko ugari grabatu zituen, Parisen, Kalifonian eta New Yorken. 1959an espetxeratu egin zuten droga zela-eta, eta sei hilabete eman zituen espetxean. 1964an arrakasta handiko kontzertua eman zuen Stan Getzekin batera Newporteko Jaialdian. 1968an bere droga-banatzaileak masailezurra hautsi zion, eta hala hasi zen Bakeren beheraldia. Zenbait agerraldi izan zituen; 1974an ezin ahaztuko kontzertua eman zuen Gerry Mulliganekin; zenbait disko grabatu zituen, eta Europan barrena ibili zen. 1988an, Amsterdamen zela, hoteleko bigarren solairutik erori zen; oraindik ez da argitu zer gertatu zen.
| Chet Baker | |
|---|---|
 (1983) | |
| Bizitza | |
| Jaiotza | Yale, 1929ko abenduaren 23a |
| Herrialdea |  Ameriketako Estatu Batuak |
| Heriotza | Amsterdam, 1988ko maiatzaren 13a (58 urte) |
| Hobiratze lekua | Inglewood Park Cemetery (en)  |
| Heriotza modua | istripuzko heriotza: erorikoa |
| Hezkuntza | |
| Heziketa | El Camino College (en) |
| Hizkuntzak | ingelesa |
| Irakaslea(k) | Jimmy Rowles (en) |
| Jarduerak | |
| Jarduerak | abeslaria, tronpeta-jotzailea, musikagilea eta jazz musikaria |
| Lateralitatea | eskuina |
| Kidetza | Chet Baker Trio Chet Baker Quartet The Chet Baker Quintet Chet Baker Sextet Chet Baker Ensemble |
| Izengoitia(k) | Chet |
| Genero artistikoa | jazza |
| Musika instrumentua | fliskornoa tronpeta ahotsa |
| Diskoetxea | Pacific Jazz Records (en) Columbia Records EmArcy Enja Records |
         | |
Erreferentziak
aldatu| Wikimedia Commonsen badira fitxategi gehiago, gai hau dutenak: Chet Baker |
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
| Artikulu hau Oklahomako biografia baten zirriborroa da. Wikipedia lagun dezakezu edukia osatuz. |
Datuak: Q2274
Multimedia: Chet Baker / Q2274