Ruth Heilmann

Ruth Heilmann
Speaker of the Inatsisartut (en) 2008 - 2009
Bizitza
Jaiotza	Arsuk, 1945 (78/79 urte)
Herrialdea	Groenlandia
Jarduerak
Jarduerak	irakaslea eta politikaria
Sinesmenak eta ideologia
Alderdi politikoa	Siumut (en)

Marie Margrethe Ruth Ane Thomsen Heilmann (Arsuk, 1945eko apirilaren 6a) groenlandiar irakasle eta politikaria da, Siumut alderdiko kidea. 2008ko urtarrilean, Inatsisartuteko (Groenlandiako parlamentuko) lehen emakumezko ganberako presidente bihurtu zen^[1][2].

Arsuk herrian jaio zen 1945ean. Irakasle moduan trebatu zen. 1989an, Maniitsoqeko udalbatzakide izan zen eta bertako alkate hautatu zuten 1997tik 2001era^[3].

Siumut alderdiko kide gisa, 1995ean parlamenturako hautatu zuten eta Groenlandia ordezkatu zuen Iparraldeko Kontseiluan^[3]. 2002ko abenduan, Hezkuntza, Eliza, Kultura eta Ikerketa ministro izendatu zuten, eta handik gutxira, 2003ko urtarrilean, Familia eta Osasun ministro^[4].

2008ko urtarriletik 2009ko ekainera arte, Inatsisartueko ganberako presidente hautatu zuten, eta kargu hori betetzen zuen lehen emakume bilakatu zen^[2]. Sexu eskandalu batean parte hartu zuen Jonathan Motzfeldt ordezkatu zuen^[1].

Eliza komunitateko kide aktiboa da eta 2002tik Groenlandiako elizako buru politiko gisa jardun zuen^[2].

Alarguna da eta bost seme-alaba ditu. Politiko eta irakasle izateaz gain, eskubaloi entrenatzailea ere izan da eta Groenlandiako Eskubaloi Elkartearen sortzailekidea da^[2].

2016ko maiatzean, Heilmann urrezko Nersornaat domina irabazi zuen Groenlandiako politikan 20 urte baino gehiagoko aritzeagatik. Lars-Emil Johansen Groenlandiako lehen ministro ohiak domina eman zion^[2].