Real Zaragoza

Real Zaragoza S.A.D

Ezizena(k)	Blancos Maños
Sorrera	1932
Futbol zelaia	La Romareda estadioa edukiera: 34.596 lagun inaugurazioa: 1957
Presidentea	Christian Lapetra
Entrenatzailea	Víctor Fernández
Liga	2. maila
2023-24	14.a
Webgunea	www.RealZaragoza.com
Etxekoa 　 Kanpokoa 　 3. koloreak

Real Zaragoza Espainiako futbol taldea da, Zaragoza hirikoa hain zuzen ere. 1932an fundaturik, lehen mailan aritzen da.

Sobradielgo kondeak beste batzuekin batera Zaragoza Foot-Ball Club taldea sortu zuen 1903an. Kondea bera jokalari kapitaina eta presidentea zen eta berak sartu zuen historiako lehenengo gola. 1907ean desagertu zen taldea.

Beranduago Iberia Sociedad Cultural agertu zen. Liztorrak ezizena eman zitzaien beren jantzi hori-beltzagatik eta futbolean jokatzerakoan erakusten zuten grinagatik.

Hirugarren talde bat ere sortu zen 1921ean Zaragoza tomate izenaz ezagutzen zena bere kamiseta gorria zela eta. Medikuntzako ikasleek sortu zuten Ricardo Arribas jaunaren gidaritzapean eta Aragoiko Futbol Federazioaren sortzaileetako bat izan zen. Diru egonkortasunik lortzen ez zuenez beste talde batzuekin (Fuenclara eta Stadium) fusionatu zen Zaragoza Club Deportivo eratuz.

Iberia S.C. Liztorrak eta Zaragoza C.D. Tomateak taldeen arteko lehia izugarria izan zen urte haietan, baina berriz ere diru arazoak izan ziren eta azkenean 1932an biek bat egin zuten Zaragoza Fútbol Club izenarenpean. Gaur egun duen uniforme zuri-urdina hartu zuen (Aragoiko Federazioaren koloreak) eta bigarren uniformeak Iberiaren hori-beltza mantendu zuen eta hirugarrenak Tomateen elastiko gorria.

Gazte talde indartsua zeukan Los Alifantes ezizenarekin ezagutzen zirenak, baina Gerra Zibilak dena zapuztu zuen. 1951ean izena aldatu zuen Real Zaragoza Club Deportivo izatera pasatuz. Horretarako bere barnean zegoen Real Sociedad Atlética Stadium taldearen Errege eskubidea erabili zuen. Gerraren ondorengo hamarkada pare batean ere ez zuen emaitza aipagarririk izan taldeak.

60. hamarkadaren hasieran Torrero zelai zaharra saldu eta La Romareda eraiki zuen. 1961-62an Juan Seminario jokalariak Pitxitxi Saria eskuratu eta taldearen "urrezko aroa"ri hasiera eman zitzaion. Canario, Santos, Marcelino, Villa eta Lapetra aurrelariek Los magníficos taldea osatu zuten eta urte haietan lau Kopa final jokatu zituzten, bi irabaziz. Ferien Kopan ere bi final jokatu zituzten, lehenengoa irabazi eta bigarrena galdu. Eta Europako Errekopan ere final erdietara iritsi ziren.

70. hamarkadako belaunaldiak Los Zaraguayos ezizena jaso zuen, jokalari uruguaytar eta paraguaytar ugari baitzituen. Ez zuten titulurik lortu baina bai Ligako 2. postua 1975ean eta Kopa finala jokatu ere 1976an. Hamarkadaren bukaeran ordea bigarren mailan aritu zen denboraldi batez.

80. hamarkadatik aurrera Lehen mailan erdi inguruan aritu izan da (urte gutxi batzuk bigarren mailan ere bai). Hala ere Kopan paer ona egin du 1986, 1994, 2001 eta 2004ean garaipenak lortuz. Txapelketa honetan tituluen sailkapenean seigarrena da.

Kopako garaipenek Europako txapelketetan aritzeko aureka eman izan diote eta 1995ean Europako Errekopa lortu zuen. Parisen jokatu zuen final hura Ingalaterrako Arsenal FC-ren aurka eta luzapeneko azken minutuan Nayim jokalariak zelaiaren erditik sartu zuen jadanik mitiko bihurtu den gola.

2007an UEFA Europa Leaguerako sailkatu bazen ere hurrengo urtean maila galdu zuen. Urtebete baino ez zuen bigarren mailan egin, baina ordutik aurrera ez du denboraldi lasairik ezagutu. Istilu ugari, diru arazoak eta urtero azken jardunaldirarte tentsio handia. 2011-12 urtean denboraldiaren erdialdera kluba bigarren mailan ikusten zen eta zaletuak zuzendaritza taldearekin ere oso haserre zebiltzan. Manolo Jimenez entrenatzaile andaluziarra ekarri zuten eta izugarrizko txanpa eginez azken jardunaldian salbatzea lortu zuen. Hala ere hurrengo urtean bide beretik jarraitu zuen eta azken postuan gelditu zenez maila galdu zuen.

Hurrengo denboraldiak bigarren mailan egin ditu, eta igoera play-offerako sailkatu den arren ez du helburua betetzea lortu.

Real Zaragozaren uniforme zuri-urdinak Aragoiko Federazioaren koloreak dira eta bigarren uniformeak Iberia taldearen hori-beltza mantendu zuen eta hirugarrenak Tomateen elastiko gorria.

Iberia (1917-1932)

Zaragoza CD (1925-1932)

Real Zaragoza 1932

Real Zaragoza 1951

Real Zaragoza 1974-tik

2019-2020

2020-2021

2021-2022

2022-2023

2023-2024

Bigarrena

Hirugarrena

2024-25 barne:

• Denboraldiak 1. mailan: 59
• Denboraldiak 2. mailan: 25
• Denboraldiak 2. B mailan: 0
• Denboraldiak 3. mailan: 4
• Ligako posturik onena: 2.a Lehen mailan (1974-75)

Urtea	Espainiako Liga	Errege Kopa	Esp. Superkopa	Europa
1992-93	9.a	2.a		1/8 (UEFA Kopa)
1993-94	3.a	1.a
1994-95	7.a	1/8	2.a	1.a (Errekopa)
1995-96	13.a	1/4		2.a (Superkopa) 1/4 (Errekopa)
1996-97	14.a	1/16
1997-98	13.a	Finalerdiak
1998-99	9.a	1/32
1999-2000	4.a	1/8
2000-01	17.a	1.a		1. itzulia (UEFA Kopa)
2001-02	20.a (jeitsi)	1/32	2.a	1/32 (UEFA Kopa)
2002-03	2.a (2. mailan)	1/16
2003-04	12.a	1.a
2004-05	12.a	1/32	1.a	1/8 (Europa League)
2005-06	11.a	2.a
2006-07	6.a	1/4
2007-08	18.a (jeitsi)	1/8		1. itzulia (Europa League)
2008-09	2.a (2. mailan)	2. itzulia
2009-10	14.a	1/16
2010-11	13.a	1/16
2011-12	16.a	1/16
2012-13	20.a (jeitsi)	1/4
2013-14	14.a (2. mailan)	2. itzulia
2014-15	6.a (2. mailan)	2. itzulia
2015-16	8.a (2. mailan)	3. itzulia
2016-17	16.a (2. mailan)	2. itzulia
2017-18	3.a (2. mailan)	1/16
2018-19	15.a (2. mailan)	3. itzulia
2019-20	3.a (2. mailan)	1/8
2020-21	15.a (2. mailan)	2. itzulia
2021-22	10.a (2. mailan)	1/16
2022-23	12.a (2. mailan)	1. itzulia
2023-24	14.a (2. mailan)	1. itzulia

2023ko abuztuaren 29an eguneratua.

Zbk. Postua Jokalaria 1 ATE Cristian Álvarez (kapitaina) 3 ATZ Jair Amador 5 ERD Jaume Grau 6 ATZ Alejandro Francés 7 AUR Germán Valera (Atleticotik utzita) 8 ERD Marc Aguado 9 AUR Iván Azón 10 AUR Sergio Bermejo 11 ERD Maikel Mesa 12 AUR Sinan Bakis 13 ATE Gaëtan Poussin 14 ERD Francho Serrano

Zbk. Postua Jokalaria 15 ATZ Santiago Mouriño (Atleticotik utzita) 17 ATZ Carlos Nieto 18 ATZ Fran Gámez 19 ERD Manu Vallejo 21 ERD Toni Moya 22 ATZ Quentin Lecoeuche 23 AUR Sergi Enrich 24 ATZ Lluís López 27 ATZ Marcos Luna 28 AUR Víctor Mollejo (Atleticotik utzita) 35 ATE Dani Rebollo

Zbk. Postua Jokalaria - AUR Sabin Merino (Racing de Ferrolen utzita 2024ko ekainaren 30 arte)

• Espainiako futbol ligako lehen maila: 0

bigarren 1974-75 denboraldian.

• Espainiako Futbol Errege Kopa: 6

1964, 1966, 1986, 1994, 2001, 2004

• Espainiako Superkopa: 1

2004

• Bigarren maila: 1

1978

• Hirugarren maila: 2

1933, 1934

• Espainiako Afizionatuen txapelketa: 1

1941

• Europako Errekopa: 1

1995

• Ferietako Kopa: 1

1964

• Colombino Trofeoa: 1

1994

• Ramón de Carranza Trofeoa: 1

1965

• (Gaztelaniaz) Webgune ofiziala

2023-24 denboraldiko Espainiako Futbol Ligako Bigarren Mailako taldeak
Albacete | Alcorcón | Amorebieta | Andorra | Burgos | Cartagena | Eibar | Eldense | Elx | Espanyol | Huesca | Leganés Levante | Mirandés | Oviedo | Racing Ferrol | Racing Santander | Sporting Gijón | Tenerife | Valladolid | Villarreal B | Zaragoza