Postojna

Postojna Postojna Postojna
hiria
Irudi gehiago
Administrazioa
Herrialdea	Eslovenia
Eskualdea	Karniola Beherea-Kostaldea
Alkatea	Boris Popovič
Izen ofiziala	Postojna
Jatorrizko izena	Postojna
Posta kodea	6230
Geografia
Koordenatuak	45°46′28″N 14°12′55″E / 45.77435°N 14.21528°E / 45.77435; 14.21528
Azalera	33,3 km²
Altuera	556
Demografia
Biztanleria	9.605 (2020ko urtarrilaren 1a) Adierazpen errorea: Ustekabeko < eragileaEspresio akatsa: Ez dago operadorerik -(r)entzat
4.774 (%49,7)   (%50,3) 4.831
Dentsitatea	36 bizt/km²
Informazio gehigarria
Telefono aurrizkia	05
Ordu eremua	Europa Erdialdeko Ordua, UTC+01:00 eta UTC+02:00
Matrikula	PO
http://www.postojna.si www.postojna.si

Postojna (pɔˈstoːi̯na ahoskatua, alemanez: Adelsberg, italieraz: Postumia), Esloveniako hiria da, Karniola Beherea-Kostaldea eskualdeko hiri handiena. 2012ko erroldaren arabera 9.189 biztanle ditu. Herritik lau kilometrotara dagoen Postojnako leizea Esloveniako turismogune garrantzitsuenetakoa da.

Esloveniaren hego-mendebaldean kokaturik dago Karst lurraldearen erdian eta Karniola Beherea lurralde tradizionaleko hiriburua da. Pivka ibaiak zeharkatzen du.

Dinariar Alpeetako 30 kilometrotako pasabide estu batean kokaturik dago, pasabide horri Postojnako atea esaten zaio. Pasabide hori 606 metrotako altueran dago eta bi isurialde banatzen ditu, mendebaldean Adriatikoa eta ekialdean Panoniako ordokia eta ondorioz Itsaso Beltzeko isurialdea.

Paleolito garaitik populatuak izan ziren Postajnaren inguruko leizeak.

Idatzizko lehenengo aipamena XIII mendeko agiri batean dago. 1432ko beste agiri batean barrutia dela aipatzen da baina ez zen herri bihurtu 1909 arte. Erdi Aroaren bukaeran Karniola dukerriaren parte izan zen, Habsburgotarren inperioan zegoen beraz.

1918an Austria-Hungariako Inperioa desegin zenean Italiaren esku gelditu zen eta Postumia izena hartu zuen. Bigarren Mundu Gerraren ondoren Jugoslaviak eskuratu zuen eta hasieran Triesteko probintzian sartua izan zen baina 1954an probintzia hori desagertu eta Esloveniako Errepublika Sozialistaren parte bihurtu zen.

Postojna nazioartean ezagun egin duena bere leizea izan da. Postojnako leizeak 20.570 metrotako luzera du eta Pivka ibaiak sortu du. Esloveniako turismogune garrantzitsuenetakoa bihurtu da. Honi lotuta beste leize bat ere badago, Planina leizea.

Postojnatik gertu Predjamako gaztelua dago, haitzulo baten sarreran kokaturiko eraikin ikusgarria.

• 
  Titov enparantza.
• 
  Postojnako leizea.
• 
  Postojnako leizea.
• 
  Leizeko sarrera.
• 
  Planina leizea.
• 
  Predjamako gaztelua.

• (Eslovenieraz) (Ingelesez) Webgune ofiziala