Sydneyko Olinpiar Parkea

Sydneyko Olinpiar Parkea (ingelesez Sydney Olimpic Park) Sydneyko Homebush Bay aldirian dagoen 640 hektareako parke bat da, bertan kirol instalakuntza ugari dagoelarik.

Sydneyn ospatu ziren 2000ko Udako Olinpiar Jokoak antolatzeko eraiki zen, eta ordutik, hiriko kirol eta kultura ekitaldi gehienak bertan antolatzen dira. Olinpiar Jokoetan zehar atletismo eta igeriketa probak hartzeaz gain, bere barrutiaren barnean olinpiar hiribildua ere hartu zuen, bertan, Olinpiar Jokoetan parte hartu zuten nazio ordezkaritza guztiek ostatu hartu zutelarik.

Bere eremuaren barnean ANZ Stadiuma aurki dezakegu, 13ko rugbyko edo australiar futboleko nazioko eta nazioarteko lehiaketa gehienak hartzen dituena, Sydneyko Nazioarteko Ur Gunea, bertan igeriketa lehiaketak egiten direlarik, eta Sydney SuperDome eta The Dome, saskibaloi, gimnasia, eskubaloi eta boleibol lehiaketak hartzen dituztenak, baita NSW Tennis Centre ere, tenis lehiaketak hartzen dituena.

Kirol multzoaren kudeaketa 1995 arte Homebush Bay Development Corporationen esku egon zen, eta hiria 2000ko Udako Olinpiar Jokoen egoitza izendatua izan zenetik, Jokoen antolakuntza autoritatearen esku. 2001ean kudeaketa Sydney Olimpic Park Authorityren eskuetara pasa zen.