Stromae

Stromae
Irudi gehiago
Bizitza
Jaiotzako izen-deiturak	Paul Van Haver
Jaiotza	Etterbeek, 1985eko martxoaren 12a (39 urte)
Herrialdea	Belgika
Hezkuntza
Hizkuntzak	frantsesa nederlandera ingelesa
Jarduerak
Jarduerak	egile abeslaria, raperoa, estudioko musikaria eta disko-ekoizlea
Lan nabarmenak	ikusi Formidable Papaoutai Alors on danse Tous les mêmes Cheese Racine carrée Live Racine carrée Ta fête Te Quiero (en) Carmen Fils de joie (en) Santé (en) L'enfer
Jasotako sariak	ikusi Grand prix de la francophonie  (2016) Victoires de la Musique – Male artist of the year  (2014) Knight of the National Order of the Golden Paper Cone  (2014) Victory of the album  (2023) : Multitude (en) Victory of the album of chansons, variety  (2014) : Racine carrée Commander of the Order of the Crown  (2024) Victoires de la Musique – Male artist of the year  (2023)
Izengoitia(k)	Stromae eta Opsmaestro
Genero artistikoa	Belgian hip hop (en)
Musika instrumentua	ahotsa
Diskoetxea	Because Music (en) Mosaert
stromae.com

Paul van Haver (Brusela, Belgika, 1985eko martxoaren 12a), Stromae izen artistikoaz ezagunagoa, abeslari, konpositore eta ekoizle belgikarra da, eta hip hopean eta musika elektronikoan egin du karrera. Stromaek frantsesez abesten du, eta ospetsu egin zen, besteak beste, «Alors on danse», «Papaoutai» eta «Tous les mêmes» abestiekin. Hiru estudio-album argitaratu ditu: Cheese, Racine carrée eta Multitude.

Paul van Haver Laeken-en, Bruselan, sortu zen.^[1][2] Haren ama belgikarra da eta aita ruandarra, arkitektoa. Bederatzi urte zituela, aita bere jaioterrira joan zen lan-arrazoiengatik, eta Ruandako genozidioan (1994) hil zen, Afrikako Aintzira Handietatik oso gertu. Haren berri telefonoz eman zitzaion familiari, hil baino hilabete batzuk lehenago harekin harremana galdu ondoren.^[3] Aitak umezurtz utzita, Van Haver hiru anaiekin eta arrebarekin hazi zen Bruselako periferian. Hamaika urte zituela, musikaz interesatzen hasi zen gaztea, eta Jette-ko musika akademian eman zuen izena. Han solfeo- eta bateria-klaseak jaso zituen.^[3]

2000. urtean, hamabost urte zituela, Paul Van Haverrek Opsmaestro ezizena aukeratu zuen raparen munduan bere burua ezagutarazteko. Baina beste artista lokal baten izenaren oso antzekoa zen, eta bederatzi urte geroago mundu osoan ezaguna izango zen izena jartzea erabaki zuen: Stromae. Van Haverrek verlana erabili zuen eta maestro hitzaren silabak alderantzikatu zituen.^[4] Hamazazpi urterekin Suspicion taldea osatu zuen J.E.D.I rapzalearekin batera. eta elkarrekin Faut qu't'arretes le rap abestia eta bideo musikala konposatu zuten. Hala ere, J.E.D.I.-k duetoa uztea erabaki du, eta Stromae bakarlari bihurtu zen. 2005ean, Stromae jendaurrean ezagutarazten hasi zen, Hip Hop dantza-lehiaketetan parte hartuz; besteak beste, Hip Hop Family 2006an eta Juste Debout 2007an.^[5]

• 2007: Juste un cerveau, un flow, fond et un mic…