Santo Stefano Rotondo

Santo Stefano Rotondo
	Santo Stefano Rotondo
	Irudi gehiago
Kokapena
Herrialdea	Italia
Eskualdea	Lazio
Italiako hiri metropolitarra	Erromako hiri metropolitarra
Muga-hiri	Erroma
Koordenatuak	41°53′04″N 12°29′48″E / 41.88452°N 12.49676°E
Historia eta erabilera
Irekiera	V. mendea
Izenaren jatorria	Eztebe
Erlijioa	katolizismoa
Elizbarrutia	Erromako elizbarrutia
Izena	Eztebe
Arkitektura
Arkitektoa	Bernardo Rossellino
Estiloa	Arkitektura paleokristaua
Dimentsioak	45 () × 80 () m ;
Ondarea
	Webgune ofiziala

Santo Stefano Rotondo edo, ofizialki, Santo Stefano al Monte Celio Erromako basilika zahar bat da, hiriko eliza kristay zaharrenetakoa. Zelio muinoan kokatzen da eta bere forma biribilagatik (rotondo italieraz) da ezaguna besteak beste.

Simplizio Aita Santuaren agintepean eraiki zen 468 eta 483 urteen artean. San Esteban martiriari eskaini zitzaion. 5. mendean, Palestina edo Lur Santuan Estebanen hondakin edo erlikiak aurkitu eta Erromara ekarri zituztelarik, erlikia haiei tokia emateko eraiki zen eliza hau. Bere forma zirkularra Jerusalemeko Hilobi Santuaren elizan inspiratu omen zen.

Elizako hormak hainbat freskorekin daude apainduta. Hauen artean, Niccolo Circignani Pomarancio izenarekin ezaguna zen artistarenak dira aipagarriak. 1580ko hamarkadako hasieran, 24 panel handi margotu zituen hormen zirkunferentzia osoan, hainbat martiriren tortura eta heriotza kontatuz. Azalpen idatziak ere badira freskoetan, pertsonaiak identifikatzeko edo zigorra zein enperadorek agindu zuen argitzeko. Torturaren irudikapen natural, gordin eta harrigarriak dira freskoak^[1]: batean Santa Tekla bi zezenen artean zatikatzen dute, bestean San Ignazio protomartiria lehoietara jauritzen dute...

2018-2019 urteen artean, konponketa lanei ekin zaie elizan, besteak beste freskoen egoera berreskuratzeko^[2].