Markovnikoven arau

Kimika organikoan Markovnikov-en arauak adizio-erreakzioak nola gertatzen diren gobernatzen du.

Arauak honela dio: HX, HOH, HCN,... moduko konposatu batek alkeno edo alkino asimetriko batekin adizio-erreakzio bati jarraitzen badio, konposatuaren zatirik positiboena (hidrogenoa, normalean) alkeno edo alkinoaren lotura asegabeko karbonoen artean hidrogeno-atomo gehien duen karbonoarekin lotzen da^[1]. Adibide pare bat:

${\displaystyle {\ce {CH3CH=CH2 + HCl -> CH3CHClCH3}}}$

${\displaystyle {\ce {CH3CH2CH=CH2 + H2O -> CH3CH2CH(OH)CH3}}}$

Arauak balio du erreakzioaren bitartekoa karbokatioi bat denean. Horrela ez bada, erradikal askeen bidez doanean erreazioa esaterako, hidrogeno-atomoa lotura asegabean hidrogeno-atomo gutxien duen karbonoari lotzen zaio. Horrelakoei anti-Markovnikov erreakzio deritze.

Araua Vladimir Markovnikov kimikari errusiarrak eman zuen 1970an.