Otoh Gunga

Otoh Gunga Star Wars film sagako Mamu mehatxua filmean agertzen den urpeko hiri bat da, Naboo planetan kokatua.

Otoh Gunga gungandarren hiririk handiena da. Nabooko gudua gertatu baino hiru mila urte lehenago sortua izan zen, antzinako gungan herria zen Spearheaden toki berean Hiriko jatorrizko biztanleria Otoh Jahai, Otoh Langua, Otoh Mandassa, Otoh Raban, Otoh Sancture, Otoh Urs eta Relliasetik zetorren. Gungandar herriaren batasunaren eta indarraren ikurra zen.

Paongah laku barearen azalpean ezkutatua, indar eremu hidrostatikoen bidez ura kanpoan eta airea hiri barnean mantentzen duten elkarloturiko burbuilez egina dago. Bertako biztanleria milioi bat gunganekoa zen Nabooko gudua gertatu baino lehen.

Hiria gungan gobernuaren egoitza eta hauen liderra den Rugor Nassen bizilekua da. Qui-Gon Jinn eta Obi-Wan Kenobi jediek hiria bisitatu eta Rugor Nassekin hitz egin zuten, hiriaren historia osoan zehar Otoh Gunga bisitatu zuten lehen bisitari kanpotarrak izan zirelarik.

Naboo Merkataritza Federazioaren harmadak inbaditu zuenean, Nassek ez zuen kontutan hartu droideen mehatxua, nabootarren ardura zela iritziz. Baina, ondoren, droideek, OOM-9 buru zutela eta Darth Maulen laguntzarekin hiria inbaditu zuten, eta gungandarrek euren bizileku ederretik arrisku garaian ezkutatzen ziren "toki sakratura" ihes egin zuten.

Klon Gerretan Otoh Gunga erlatiboki neutral eta bakean mantendu zen.

Inperio Galaktikoa ezarri zenean inperioko soldaduek eraso zuten eta partzialki suntsitua izan zen. Gungandarrek amore eman zuten eta Inperio Berriaren estatu txotxongilo bat bihurtu ziren, ofizialak ziren gizaki askorekin. Eskala sozial berri batekin, gungandarrak laster erori ziren pobrezian, eta askok hiria utzi eta azalera joatea erabaki zuten.