Julen Lopetegi

Julen Lopetegi
(2017) Irudi gehiago
Bizitza
Jaiotza	Asteasu, 1966ko abuztuaren 28a (58 urte)
Herrialdea	Gipuzkoa, Euskal Herria
Familia
Aita	Jose Antonio Lopetegi
Hezkuntza
Hizkuntzak	gaztelania euskara
Jarduerak
Jarduerak	futbolaria eta futbol entrenatzailea
Ibilbidea Taldeak Urteak J G Real Sociedad B 1983 / 1985 Espainiako 21 urtetik beherako futbol selekzioa 1985 / 1985 1 0 Real Madril Castilla Club de Fútbol 1985 / 1988 61 0 Real Madril 1988 / 1991 1 0 Unión Deportiva Las Palmas 1988 / 1989 31 0 Club Deportivo Logroñés 1991 / 1994 107 0 Bartzelona Futbol Kluba 1994 / 1997 5 0 Espainiako futbol selekzio nazionala 1994 / 1994 1 0 Rayo Vallecano 1997 / 2002 112 0
Parte-hartzailea 1994ko Munduko Futbol Txapelketa
Posizio edo espezialitatea	futbol atezaina
Altuera	185 zentimetro
julenlopetegui.com

Julen Lopetegi Agote (Asteasu, Gipuzkoa, 1966ko abuztuaren 28a) euskal herritar futbolari ohia eta entrenatzailea da. Hainbat hedabidetan kolaboratu izan du, futbol arloko aditutzat.

Atezain jokatu zuen 2002. urteraino. 2008/2009 denboraldian Espainiako 2. B mailako Real Madril Gaztela entrenatu zuen. Ondoren, Espainiako gazte selekzioa. 2014an izendatu zuten FC Portoren entrenatzaile. 2016ko uztailaren 21az geroztik, Espainiako futbol selekzio nazionalaren hautatzailea izan da, 2018ko ekainaren 13ra arte, Real Madrid taldearekin entrenatzaile izateko sinatzeagatik kargukabetu baitzuten.

2018ko urriaren 29an Real Madril entrenatzaile postutik kargugabetu zuten,^[1] emaitza txarrak zirela eta.

Gaur egun West Ham United taldeko entrenatzailea da.

Real Sociedad taldean hasi zen atezain. Errealeko Bigarren B Mailako filialean jokatzera iritsi zen, baina ez zen debutatzera iritsi lehen taldean. 80ko hamarkadaren erdialdean, Lopetegik Errealeko lehen taldean jokatzeko ez zuen aukerarik izan, Luis Migel Arkonada, Jose Luis Gonzalez Vazquez eta Agustin Elduaien atezainak bere gainetik baitzeuden.

1985ean Real Madrilek fitxatu zuen bere talde filialean, Castilla. 1988ra arte bertan jokatu zuen. Hortik, Las Palmas Futbol taldera eraman zuten denboraldi baterako. 1989an Real Madrileko lehen taldera iritsi zen. Real Madrilekin egin zituen bi denboraldietan taldeko hirugarren atezaina izan zen, ia aukerarik izan gabe. Atletico Madilen aurka debutatu zuen lehenengo mailan Vicente Calderonen (3-3), 1989-90 denboraldiko azkenaurreko jardunaldian.

Real Madril taldearekin aukera askorik izan ez zuenez, Lopetegi Logroñes Kirol Klubak fitxatu zuen 1991n. Logroñon, bere urterik onenak bizi izan zituen futbolari gisa. Lehen Mailako talde apalenetako batean egonda, Lopetegiren lana izugarri nabarmendu zen. Titular eztabaidaezina izan zen hiru denboralditan, eta, gol asko sartu arren, askoz gehiago saihestu zituen; Espainiako atezain onenetako eta ikusgarrienetako bat izatera igaro zen. Lopetegik 108 partida jokatu zituen Logroñesekin Lehen Mailan. 1994ko martxoaren 23an, Espainiako selekzioarekin Kroaziaren aurkako lagunarteko partida batean debutatzeko deitua izan zen. 1994an AEBetako Munduko Txapelketa jokatzeko ere deitu zuten. Txapelketa horretan minutu bakar bat ere ez zuen jokatu.