Jemaa el-Fnaa plaza

Jemaa el-Fnaa plaza
	Irudi gehiago
Kokapena
Herrialdea	Maroko
Eskualdea	Marrakesh-Safi
Prefektura	Marrakesh Prefecture
Hiria	Marrakex
Koordenatuak	31°37′33″N 7°59′21″W / 31.625971°N 7.989098°W
Ondarea

Jemaa el-Fnaa plaza (arabieraz: جامع الفناء‎, ŷâmiʻ al-fanâʼ, frantsesez: Jemaa el-Fna) Marrakexen, Marokon dagoen merkatari eta gune irekia da. Hiriko plaza nagusia da. Kutubiyya meskitatik gertu dago. Plazaren inguruan ere beste meskita txikiagoak dira. Plaza honetan mugimendu handia dago beti eta herritarrentzat ezinbesteko topalekua da. Kaleko postuak, kaleko artistak, musika... egun osoan mugimendua dago plaza honetan, batez ere gauean. Plazak Unescoren bi izendapen ditu: 1985ekoa, ondasun kulturala moduan, eta 2001koa, Gizateriaren Kultura Ondare Immaterialren gisa.

Izenaren etimologia

Plazaren izena interpretatzeko garaian hipotesi desberdinak daude. Batzuentzat "suntsitze batzarra" esan nahi du zeren eta bertan delinkuenteei zigortzen baitzitzaien. "Batzarra" edo "Bilera" esaten zitzaion zeren eta moztutako hilarazitakoen buruak publikoki erakusten baitziren. Hilarazketak 1050. urtearen inguruan egin ziren.^[1] Beste hipotesi baten arabera ŷâmiʻ hitzak aljama edo meskita nagusia eta, orduan, "suntsitutako meskitaren lekua"; antza denez bertan almorabideek botatako meskita zegoen.

Ezaugarriak

Plaza tamaina handikoa da. Albo guztietatik, bat izan ezik, eraikinez eta arabiar merkatuez inguratuta dago. Alboetan kafetegi eta jatetxe asko daude, bestetik. Jateko kaleko postu daude ere bai.

Plazan egiten diren aktibitateak

Saltzaileak
Musika espektakuluak
Henna tatuatzaileak
Animaliekin egindako espektakuluak (tximuak, sugeak), batzuk nahiko basatiak eta salatzeko modukoak
Ipuin kontalariak
Dantzariak

Atentatua

2011an plazaren inguruko kafetegi batean atentatu bat izan zen. Ondorioz, hamalau pertsona hil ziren: 11 turista eta hiru marokoar; beste 221 pertsona zaurituak izan ziren.