Janine Turner

Janine Turner
Irudi gehiago
Bizitza
Jaiotzako izen-deiturak	Janine Loraine Gauntt
Jaiotza	Lincoln, 1962ko abenduaren 6a (61 urte)
Herrialdea	Ameriketako Estatu Batuak
Lehen hizkuntza	ingelesa
Hezkuntza
Heziketa	Professional Children's School (en)
Hizkuntzak	ingelesa
Jarduerak
Jarduerak	aktorea, irrati-esataria, modeloa, telebista-aktorea, kazetaria, zinema aktorea, gidoilaria, zinema ekoizlea eta film-zuzendaria
Enplegatzailea(k)	The Washington Times (en)
Lan nabarmenak	ikusi Northern Exposure Cliffhanger Friday Night Lights (en)
Jasotako sariak	ikusi Young Artist Award for Best Performance in a TV Series - Leading Young Actress  (1983) : General Hospital
janineturner.com

Janine Turner (jaiotzez Janine Loraine Gauntt, Lincoln (Nebraska), 1962ko abenduaren 6a) aktore eta idazle estatubatuarra da. Northern Exposure telesailean Maggie O'Connell pilotoaren rola betetzeagatik da ezaguna. Cliffhanger filmean ere protagonista izan zen.

Lincoln hirian jaio zen eta Texasen pasa zuen haurtzaroa^[2]. 15 urte zituela New Yorkera joan zen Wilhelmina Modelo agentzian ibilbidea egitera. 1980. urtean Dallas telesailean atera zen hiru kapitulutan eta hurrengo urteetan telesail ezagunetan agertu zen, The Love Boat, General Hospital, Happy Days, Santa Barbara, The New Mike Hammer, The A-Team eta Knight Rider besteak beste. Hainbat filmetan ere aritu zen, ezagunena Steel Magnolias izan zen.

Hollywooden paper seriorik izango ez zuela ikusita New Yorkera itzuli zen eta Actors Studioko Marcia Haufrechtekin ikasi zuen. 1990. urtean Northern Exposure telesailerako aukeratua izan zen. Gustora hartu zuen papera, emakume indartsu baten rola betetzen baitzuen, "aurkitzen dituen gizonak baino indartsuagoa eta azkarragoa da" esan zuen. 1995. urterarte iraun zuen telesailak eta hainbat saritarako izendatua izan zen Janine, Emmy^[1] eta Golden Globe sarietarako besteak beste^[3]. Bitartean 1993. urtean Cliffhanger filmean protagonista izan zen Sylvester Stallonerekin batera eta 1997an Leave It to Beaver filmean ere paper nagusia bete zuen.

1997an bertan Stolen Women: Captured Hearts telefilmean agertu zen eta hurrengo urteetan telefilme eta telesailetan agertu zen, baina kapitulu bakarreko agerpenak eginez. Salbuespenak Strong Medicine (2000-2002 artean 50 kapitulu) eta Friday Night Lights (2008-2009 artean 12 kapitulu) izan ziren.

2010tik aurrera Constituting America elkarteko presidentea da Cathy Gillespierekin batera. Estatu Batuetako Konstituziaren hezkuntza bultzatzen du helduengan eta ikasleengan^[4].

2011ko maiatzaren 21ean Dallas eta Houstongo KLIF irratian The Janine Turner Show irratsaioa egiten hasi zen eta Dallasko irratsaio onenaren saria jaso zuen^[5]. Hainbat liburu ere idatzi ditu.

Zerbitzu eta Partaidetza zibikoaren kontseiluko presidentea bihurtu zen 2006an^[6]. 2010tik aurrera Estatu Batuetan zehar hainbat gairi buruz hitzaldiak ematen hasi zen; bihotz osasuna, soiltasuna, fedea, Konstituzioa eta politika... Korporaziotan, Eskolatan, Unibertsitatetan eta Elizatan ematen ditu hitzaldiak.

Turnerrek "sozialki liberala eta fiskalitate aldetik kontserbadorea" kontsideratzen du bere burua^[7]. Ameriketako Estatu Batuetako Konstituzioa ratifikatzen duten 85 paper federalisten inguruiko 85 saiakera idatzi ditu^[4].

Janine Turner ez da inoiz ezkondu baina 1997. urtean Jerry Jones Jr.-ekin (Dallas Cowboys taldeko jabea) alaba izan zuen^[8]. Dallas kanpoaldeko errantxo batean bizi dira 2014tik^[9].

Wikimedia Commonsen badira fitxategi gehiago, gai hau dutenak: Janine Turner

• Aktorearen IMDBko fitxa irakurgai (Ingelesez)