John Travolta

John Travolta
(2014) Irudi gehiago
Bizitza
Jaiotzako izen-deiturak	John Joseph Travolta
Jaiotza	Englewood, 1954ko otsailaren 18a (70 urte)
Herrialdea	Ameriketako Estatu Batuak
Bizilekua	Jumbolair Airport (en) Encino
Lehen hizkuntza	ingelesa
Familia
Aita	Salvatore Travolta
Ama	Helen Cecilia Travolta
Ezkontidea(k)	Kelly Preston  (1991 -  2020ko uztailaren 12a)
Seme-alabak	ikusi Ella Bleu Travolta Jett Travolta (en)
Haurrideak	ikusi Joey Travolta (en) Ellen Travolta Margaret Travolta
Hezkuntza
Heziketa	Dwight Morrow High School (en)
Hizkuntzak	ingelesa
Jarduerak
Jarduerak	aktorea, abeslaria, zinema ekoizlea, idazlea, dantzaria, telebista-aktorea, zinema aktorea, antzerki aktorea eta ahots-aktorea
Jasotako sariak	ikusi Donostia Saria (Zinemaldia)  (2012) IAS Freedom Medal Izarra Hollywoodeko Ospearen pasealekuan Golden Globe Award for Best Actor – Motion Picture Musical or Comedy  (1996) : Get Shorty (en)
Musika instrumentua	ahotsa
Sinesmenak eta ideologia
Erlijioa	Erromatar Eliza Katolikoa Zientologia
travolta.com

John Joseph Travolta (1954ko otsailaren 18, Englewood, New Jersey) estatubatuar aktore, abeslari eta dantzari bat da.^[1]

Kelly Prestonekin batera alaba bat eta seme bat ditu, Ella eta Jett. Haren lehenengo emaztea Diana Hyland zen baina ezkondu eta handik bi urtera hil zen, minbiziaren ondorioz.

2012ko irailaren 23an Donostia Saria jaso zuen.^[2]

Aita italiarra eta ama irlandarra zituen. John seigarren semea zen, txikiena. Senide guztiek zaletasun bera zeukaten: interpretazioa. Aitaren etxean antzeztoki bat sortu eta familiarentzako saioak antolatzen zituzten.^[1]

Travoltak antzerki eskola batean eman zuen izena eta segidan arrakasta lortu zuen. Horregatik, New York-era joatea erabaki zuen. Han managerra aurkitu eta antzerkian famatua izan ondoren, managerrak Hollywoodera eraman zuen.

Lehen arrakasta profesionala Saturday Night Fever filmaren eskutik etorri zen. Robert Stigwood produktoreak paper protagonista nahi zuen harentzat: hori erabaki hoberena izan zen harenlan-ibilbidean.^[3] Film horretan, Tony Maneroren bizitza antzeztu zuen: dantzaria zen eta horrek aldatu zuen dantzaren modua. Hartarako, Travoltak gau asko eman zituen hainbat diskotekatan, jendearen dantzatzeko modua begiratzeko. Gainera, koreografo profesional batekin eta lan egin zuen, eszenarik ospetsuena grabatzeko. Tony Manero pertsonaia mitiko bihurtu zen: filmak arrakasta handia izan zuen eta musika diskoaren aroari hasiera eman zion.^[4][5]

24 urte zituen Grease filma antzeztu zuenean, baina hori ez zen oztopoa izan bigarren arrakastara iristeko. Filma historiako musikal ospetsuenetarikoa izan zen. Harekin batera, Olivia Newton-Johnekin protagonista izan zen eta horrek arrakasta are handiagoa eman zion.^[6]

Hurrengo urteetan, film batzuk egin zituen, besteak beste Urban Cowboy ^[7], Blow Out eta Staying Alive ^[8]. 1983en urtean, ibilbidea eten zen, 1989an itzuli zen arte, The Experts komediarekin. Harez geroztik, film batzuk egin zituen, baina ospetsuena Pulp Fiction izan zen: horrek sari asko irabazi zituen eta haren lana berriro bultzatu zuen.

Hiru aldiz ezkondu da. Orain Kelly Prestonekin ezkonduta dago eta hiru seme-alaba izan dituzte: Jet, Ella Blue eta Benjamin. Jet 2009an hil zen, Kawasakiren gaixotasunaren ondorioz, 16 urterekin, senitartearen udako etxean, Bahamasen.

Senar-emazteak 1975etik Zientziologia erlijioaren jarraitzaileak dira.

• Over Here! (1974)
• John Travolta (1976)
• Can't Let You Go (1977)
• Travolta Fever (1978)
• Grease (1978)
• The Road to Freedom (1986)
• Let Her in: The Best of John Travolta (1996)
• The Collection (2003)
• Hairspray (2007)
• Whenever I'm away from You, Baby

• John Travolta aktorearen webgunea (Ingelesez)
• John Travolta aktorearen IMDBko fitxa irakurgai (Ingelesez)