Krema ingeles

Krema ingeles
krema
Materialak	Gorringoa esnea azukrea
Historia
Jatorria	Frantzia

Krema inglesa gozogintzako oinarri ugaritarako erabil daitekeen krema da. Izozkiak egiteko, mousseak, bavaroissak prestatzeko, saltsa moduan erabiltzeko...

• Esnea: 1 l. ( kasu batzuetan esnea eta esne gaina erdibitu egiten da)
• Bainila: 1/2.
• Azukrea: 150 g.
• Gorringoak: 10-12.

• Irakin esnea 5 minutuz, su baxuan, bainilarekin eta utzi bere horretan hozten.
• Puntazorrotza erabiliz ireki bainila erditik, eta barruko haziak arraskatu eta gehitu dena esnetara.
• Pertz batean, gorringoak azukrearekin irabiatu.
• Nahasi esnea gorringoarekin maria bainuan jarri, eta hagatxoarekin mugitu.
• Kontu izan maria bainuko urak ez dezala inoiz irakin.
• Horrela edukiko dugu 80ºC izan arte ( nahasketa lurrintzen hasi edo pittin bat loditzen)
• Momentu horretan pertza maria bainutik atera, eta kanpoan nahasten jarraituko dugu epeldu arte.

• Azkenburukoen saltsa moduan edo bainilazko izozkiaren oinarri bezala erabil dezakegu.
• Saltsa krematsuagoa nahi izanez gero, bereziki izozkientzat, esnearen erdia esne-gainarekin ordezkatzen da.
• Kontu izan tenperatura gehiegi ez igotzearekin, 83ºC-tik pasatuz gero, gorringoa mamitu egingo da eta pinporta modukoak sortuko zaizkio.