Günter Herburger

Günter Herburger
Bizitza
Jaiotza	Isny im Allgäu, 1932ko apirilaren 6a
Herrialdea	Alemania
Heriotza	Berlin, 2018ko maiatzaren 3a (86 urte)
Hobiratze lekua	Isny im Allgäu
Hezkuntza
Heziketa	Municheko Unibertsitatea Q1645492
Hizkuntzak	alemana
Jarduerak
Jarduerak	idazlea eta gidoilaria
Jasotako sariak	ikusi Preis der SWR-Bestenliste  (2008) Literaturpreis der Stadt München  (1997) Toucan Prize  (1991) Peter-Huchel-Preis  (1991) Grimme-Preis  (1967) Literaturpreis der Stadt Bremen  (1973) Gerrit-Engelke-Preis  (1979) Hans-Erich-Nossack-Preis  (1992) Lübecker Literaturtreffen  (2011) Johann-Friedrich-von-Cotta-Literatur- und Übersetzerpreis der Landeshauptstadt Stuttgart  (2011)
Kidetza	PEN Centre Germany (en) Bavariako Arte Ederren Akademka
Sinesmenak eta ideologia
Alderdi politikoa	German Communist Party (en)

Günter Herburger (Isny, Allgäu, 1932ko apirilaren 6a - Berlin, 2018ko maiatzaren 3a) alemaniar idazlea izan zen.

Sanskrito-, soziologia-, filosofia-, literatura- eta antzerki-ikasketak egin zituen, Munichen eta Parisen. 1964an Eine gleichmäßige Landschaft (Paisaia uniformea) argitaratu zuen, bere lehenengo kontakizun-bilduma. Liburuan herri-giro ukigabea deskribatzen du, aldaketetarako lekurik ez baina isilpeko desioz eta beldurrez betea. Eguneroko bizitzako esperientziak kontatzen zituen, giro politikoa eta soziala tartekatuz, lagunarteko tonuan, eta prosa aberatsa erabiliz bere formetan eta gaietan. Gai horiek berak erabiltzen zituen bere poesia-lanetan ere: Ventile (1966, Balbulak). Arrakasta handia izan zuen, baita ere, haurrentzat idatzi zituen abentura liburuekin: Birne kann alles (1971, Bonbilla edozertarako gauza da). Mundu modernoan bizi den eta era guztietako arazoei aurre egiteko gauza den kale-argi bat da liburu horretako protagonista. Baina Günter Herburgerren literaturaren funtsa bere eleberriak dira: Die Messe (1966, Meza) probintzietako mundu burges txiki batean bizi den pertsona baten ihesaldi ahaleginaren deskribapena; Jesus in Osaka (1970, Jesus Osakan), esperantza bakarra haurrak dituen etorkizuneko gizarte bati buruzkoa. 1997an bere trilogiaren lehenengo liburukia argitaratu zuen: Flug ins Herz (Ihesaldia bihotzera). Bigarren liburukian Die Augen der Kämpfer (1982, Borrokalarien begiak) gauzatutako utopia gisa aurkeztu zuen Alemaniako Errepublika Demokratiko ohia.