Felisa Verdejo

Felisa Verdejo
Irudi gehiago
Bizitza
Jaiotza	Salamanca, 1950eko otsailaren 16a (74 urte)
Herrialdea	Espainia
Hezkuntza
Heziketa	Pierre eta Marie Curie Unibertsitatea
Tesi zuzendaria	Antonio Vaquero Sánchez (en)
Doktorego ikaslea(k)	Kepa Sarasola Gabiola Arantza Diaz de Ilarraza Sanchez Isabel Fernandez de Castro Horacio Rodriguez Hontoria
Hizkuntzak	gaztelania frantsesa ingelesa
Jarduerak
Jarduerak	informatikaria eta unibertsitateko irakaslea
Lantokia(k)	Paris Donostia Bartzelona eta Madril
Enplegatzailea(k)	Madrilgo Unibertsitate Politeknikoa Madrilgo Complutense Unibertsitatea  (1977 -  1981) Donostiako Informatika Fakultatea  (1981 -  1985) Euskal Herriko Unibertsitatea  (1981 -  1985) Kataluniako Unibertsitate Politeknikoa  (1985 -  1991) UNED  (1991 -
Kidetza	Sociedad Española para el Procesamiento del Lenguaje Natural

María Felisa Verdejo Maillo (Béjar, Salamanca, 1950eko otsailaren 16a) UNED unibertsitateko Lengoaia eta Sistema Informatikoak saileko katedradun bat da. Espainian aitzindarietako bat izan zen hizkuntzaren prozesamendu automatikoan eta adimen artifizialean. Donostiako Informatika Fakultatean irakasle ibili zen lau urteetan (1981etik 1985era arte) hizkuntzaren prozesamenduari buruzko doktorego-formazioa zabaldu zuen, eta hori geroago eratuko zen IXA Taldearen hazia izan zen.

Doktoretza-tesia egin zuen Informatikan Pierre eta Marie Curie Unibertsitatean (Paris VI).

Ikerketa-taldeak sortu eta sustatu ditu, zenbait unibertsitatetan, hizkuntzaren prozesamendua, adimen artifiziala eta urrutiko hezkuntza arloetan. Irakaskuntzan eta ikerkuntzan Espainiako lau unibertsitatetan ibili da: Madrilgo Complutense Unibertsitatea (1978-1981), Euskal Herriko Unibertsitatea (1981-1985), Kataluniako Unibertsitate Politeknikoa (1985-1991), eta UNED (1991tik).

Ikerketa estrategikoko lerro berri bat ireki eta bultzatu zuen, espainieraren prozesatze automatikoa tratatzen duena, hizkuntza hori sistema adimentsuetan eta hainbat aplikaziotan integratzeko.^[1] Haren zientzia-lorpenak bere argitalpenetan ikus daitezke,^[2][3] baita ikerkuntza proiektuetan (askotan partzuergo zabalak biltzea lortu zuen), eta zuzendu dituen 20 doktorego-tesietan.

Hainbat ahalegin egin ditu zientzia-arlo hori sustatzeko eta zientzia-komunitate bat sortzeko:

• COSCE-ren lehendakariordea (Confederación De Sociedades Científicas De España) 2009ko martxotik.

• 

  SEPLN elkarte zientifikoaren fundatzailea 1983an (Sociedad Española para el Procesamiento del Lenguaje Natural).
• AEPIA elkarte zientifikoaren fundatzailea (Asociación Española para la Inteligencia Artificial).
• Iberamia elkarte zientifikoaren fundatzailea (Iberoamericana de Inteligencia Artificial).
• IFIP-eko "Working Group 3.6" taldeko kidea.
• Global Wordnet Association-eeko batzordekidea.
• ELSNET-eko kidea (UNED taldea), Human Languages Technologies bikaintasun-sarean 2004raino.
• SIG CSCL-eko board-kidea, Kaleidoscope, 2004tik.
• SIG AI&ED-eko board-kidea, Kaleidoscope, 2004tik
• CLEF-eko “ steering committee”-ko kidea sortu zenetik (Cross Language Evaluation Forumen),
• Sareetako IMDEA Institutuko aholku-batzordeko kidea (2007-2010)

Oso parte hartze aktiboa izan du ikerketa eta irakaskuntza ebaluatzeko agentzietan. Antolatzaile edo sustatzailea gisa ikerketako difusio-jarduera ugarietan parte hartu izan du ere, eremu nazionalean, europarrean eta iberoamerikarrean.

Verdejo doktoreak bere bizitza profesionalean aintzatespen ugarien ikertzaile erkidegoko objektua izan da.

• 2002an ECCAI Fellow izendatu zuten, adimen artifizialeko elkarte europarren aipamen handiena da hori.^[4]
• 2014an Espainiako Informatikako Sari Nazionala eman zioten, José García Santesmases saria. Ikertzaileen ibilbide profesionala eta informatikako ingeniaritzaren promozioan ekarpen adierazgarriak egitea saritzen du.^[5]
• 2016ko urtarrilaren 28an Alikanteko Unibertsitateak doktore honoris causa izendatu zuen.^[6]

• Arantza Diaz de Ilarraza
• Isabel Fernandez de Castro
• Socieda Española para el Procesamiento del Lenguaje Natural

Gai honi buruzko informazio gehiago lor dezakezu Scholian