FC Flora Tallinn

FC Flora Tallinn

Sorrera	1990
Futbol zelaia	A. Le Coq Arena edukiera: 10.000 lagun inaugurazioa: 2001
Presidentea	Pelle Pohlak
Entrenatzailea	Jürgen Henn
Liga	Estoniako Liga
2024	4.a
Webgunea	Webgune ofiziala
Etxekoa 　 Kanpokoa

FC Flora Tallinn Estoniako futbol taldea da, Tallinn hiriburukoa. 10 aldiz irabazi du Estoniako futbol liga eta 6 aldiz Kopa. FC Levadiarekin batera herrialdeko talderik onena da.

Desagerturiko Tallinna Lõvid taldeko jokalariekin sortu zen FC Flora 1990ko martxoaren 10ean. Lehenengo liga 1994ean irabazi zuen, baina garaipen polemikoa izan zen, izan ere Tevalte Tallinn izan zen txapelduna baina partidak erosteagatik deskalifikatu egin zuten eta bigarren zeuden Norma eta Flora puntutan berdinduta zeuden. Txapelduna erabakitzeko elkarren arteko partida jokatu zen, baina Normak protesta egin zuen deskalifikazioa ez zitzaiola bidezkoa iruditzen argudiatuz eta gazte mailako taldea aurkeztu zuen. Florak 5-2 irabazi zuen partida. 2003 artean 7 liga eta 2 kopa irabazi zituen. 2008an kopa berria irabazi zuen eta berriz ere puntako taldea bihurtu zen.

Irabazi duen nazio arteko txapelketa bakarra Livoniako Kopa izan da, 2011 urtean hain zuzen ere. Letonia eta Estoniako ligako txapeldunek elkarren artean jokatzen duten futbol txapelketa da. Hiru aldiz jokatu du eta lehenengo biak penalti jaurtuiketatan galdu zituen Skonto Rigaren aurka. Bereziki aipagarria izan zen lehen ekitaldia, 2003koa, izan ere 2-2 egin ondoren Skontok 12-11 penaltiko emaitzaz irabazi baitzion.

2020an Estoniako Liga, Kopa eta Superkopa irabazi zituen.

• Liga (15): 1993–94, 1994–95, 1997–98, 1998, 2001, 2002, 2003, 2010, 2011, 2015, 2017, 2019, 2020, 2022, 2023.
• Kopa (8): 1995, 1998, 2008, 2009, 2011, 2013, 2016, 2020.
• Estoniako Superkopa (10): 1998, 2002, 2003, 2004, 2009, 2011, 2012, 2014, 2015, 2020.

• Livoniako Kopa (1): 2011.

• (Estonieraz) Webgune ofiziala