Eddingtonen muga

Eddingtonen muga (edo Eddingtonen argitasuna bezala ere ezagutzen dena) oreka hidrostatikoan dagoen gas batetik igaro daitekeen argitasun mailarik handiena da, simetria esferikoa, hidrogeno puruzko konposaketa, newtondar grabitatea eta soilik Thomson dispertsio bidezko materia eta erradiazio arteko elkarreragina suposatuz.

Eddingtonen muga objektuaren masaren funtzio bat da, eta honela adieraz daiteke:

${\displaystyle L_{\text{Eddington}}=33.000{\frac {M}{M_{\odot }}}L_{\odot }}$

non

• ${\displaystyle L_{\text{Eddington}}}$ gehienezko argitasuna den
• ${\displaystyle M}$ objektuaren masa den
• ${\displaystyle M_{\odot }}$ eguzkiaren masa den
• ${\displaystyle L_{\odot }}$ eguzkiaren masa den

Masa-argitasun erlazioa erabiliz, izar baten gehienezko masaren kalkuluari aplika dakioke. Kasu horretan beharrezkoa da konposaketa kimiko errealistago bat erabiltzea, benetako izarren atmosferetan erradiazioa eta materiaren arteko elkarreragina hidrogenoa ez den beste elementu batzuen lerroen bidez gertatzen bait da. Arrazoi hori dela eta, izar baten gehienezko masa bere metaltasunaren araberakoa da, beste zenbait ezaugarriren artean.