Dromon

Dromon
Gerraontzia eta belaontzia
Irudi gehiago

Dromonak bizantziar itsasontzi mota bat ziren. Bere eraikuntza erromatarren lehenagoko liburna eta birreme ontzietan oinarritzen zen.

Dromona arraunontzi luzea zen. Kroskoak ondo itxitako oholtza zuen bere luzeran, eta habe-egitura bat zabaltzen zen arraunlarien bankuak hartzeko. Alde bakoitzean bi arraun-lerro zeuden, eta ontzi batzuek 80 arraun izan zituzten. Arraun bakoitzean bi gizon aritzen ziren. 50 m-ko luzera artekoak eraiki ziren eta hauen tripulazioa 300 gizonez osatuta egon zitekeen.

Jatorriz, dromonak masta bat bakarra zeukan, baina pixkanaka haien kopurua hirura igo zen. Hasieran bela laukizuzena zen, baina geroago latinezko bela triangeluar batek ordezkatu zuen. Arma nagusia ur mailan egoten zen branka-ahari bat izaten zen plataforma altxatuetan kokatutako makinak astintzeko eta jaurtitzeko. Geroago, greziar sua erabiltzen hasi ziren dromonetatik. Gailu berezi bat erabiliz etsaien ontzietara jaurtitzen ziren hainbat substantzia sukoien nahasketa zela uste da.

• Artikulu hau, osorik edo zatiren batean, txekierazko Wikipediako «Dromón» artikulutik itzuli da; zehazki, 2021-06-06ko bertsio honetatik. Izan ere, artikulu horretan aritu diren wikilariek GFDL edo CC-BY-SA 3.0 lizentziekin argitaratu dute beren lana.