Done Petriko eliza (Bizkarreta)

Done Petriko eliza (Bizkarreta)
UNESCOren gizateriaren ondarea
Nafar bidea
Irudi gehiago
Kokapena
Herrialdea	Euskal Herria
Probintzia	Nafarroa Garaia
Udalerria	Erroibar
Koordenatuak	42°58′02″N 1°25′00″W / 42.967192°N 1.416753°W / 42.967192; -1.416753
Izena	Petri
Gizateriaren ondarea
Erreferentzia	669-178
Eskualdea[I]	Europa eta Ipar Amerika
Izen-ematea	bilkura)
178
↑ UNESCOk egindako sailkapenaren arabera

Done Petriko eliza Erroibarko Bizkarreta kontzejuan XIII. mendeko kristiau eliza bat da, gotiko estiloan. Donejakue Bidearen baitako ondare kontsideratzen da, Nafar Bideak Nafarroan egiten duen etaparen parte.^[1]

Jatorrian, XIII. mendeko tenplu bat izan zen, baina nahiko eraldatua eta handitua izan zen, 1794an, frantsesen aurkako Konbentzio Gerran oso kaltetua izan ondoren. Oinplano angeluzuzenekoa da, gangako lau atalez estalia, eta kanpoaldean hiru kontrahorma ditu alde bakoitzean, trantsizio-ganga zahar bati dagozkionak. Portada erromanikoa da oraindik, baketoizko hiru arkiboltarekin eta dibanlubiekin. Elizaren ipar-mendebaldeko angeluan dorrea altxatzen da, eraikinaren gorputzaren gainean. Gorputz bakarra du kanpaientzako baoekin, teilatu-hegal zabala eta lau isurkiko estalki piramidala. Barrualdean, erretaula nagusia modernoa da, eta Petriren tailua babesten du. Nabean dagoen gurutze ertain bat barroko herrikoiarena da. Dorrean bi kanpai handi daude. Horietako batek "Matheo MIER ME FECIT" inskripzioa darama eta XVIII. mendeko azken urteetan fundatu zen. Bestea 1903an fundatu zen.^[2]

• Bizkarreta
• Petri