Gose-greba

Gose-greba edo jan-uztea^[1] indarkeria gabeko protesta edota erresistentzia metodo bat da. Gose-grabalariek euren eskubideak defendatzearren edo euren ustez zilegitasunik ez dituzten neurri edo arauak kentzearren beren buruak elikatzeari uko egiten diote. Nagusiki izaera edo estatus politikoa duten presoek burutu ohi duten presio metodo bat da.

Epe zehatz batekoak edota amaigabeak izan daitezke, bigarren kasuan amaiera ez jatearen ondorioz hiltzea da. Honen adibide batzuk, 1920ko Irlandako Cork hiriko Terence MacSwiney alkatearen heriotza, Indiako Gandhi buru independentistaren gose-grebak, 1981eko Ipar Irlandako gose-greba, edota Euskal Herrian euskal preso politikoek burututako gose-grebak lirateke.