Bostun
Bostun[1], musikan, eskala diatonikoko bost gradu edo nota dituen tartea da, diapente ere deitua. "Bostun" aipatzen denean, zehaztasun gehiagorik gabe, terminoa bostun justuari dagokio, hiru tonu eta tonuerdi bat dituena.
Musika-akustikari dagokionez, bostun hutsa da bi soinuren artean oinarrizko maiztasunek duten tartea, eta frekuentzia horien proportzioa hirutik bikoa da (hau da, 1,5 = 3 / 2). Maiztasun-erlazio hori ez da aldatzen Eskala pitagorikoan, eta eskala naturalak eraikitzeko ere balio du.
Harmonikoki, bostun justua kontsonantzia perfektutzat hartzen da, eta tarte horretatik aurrera instrumentu asko afinatzen dira. Bostun justuaren inbertsioa laudun justua da, bi tonu eta erditxo bat dituena. Harmonikoki ere kontsonantzia perfektutzat jotzen da. Bostun justuaz gain, bostun murriztua ere badago, 3 tonukoa, eta bostun handitua, 4 tonukoa. Bi tarte horiek disonantetzat hartzen dira.
