AnnaSophia Robb

AnnaSophia Robb
(2019) Irudi gehiago
Bizitza
Jaiotza	Denver, 1993ko abenduaren 8a (31 urte)
Herrialdea	Ameriketako Estatu Batuak
Lehen hizkuntza	estatubatuar ingelesa ingelesa
Hezkuntza
Heziketa	Arapahoe High School (en) 2012) New Yorkeko Unibertsitatea (2014 - 2018)
Hizkuntzak	ingelesa
Jarduerak
Jarduerak	aktorea, telebista-aktorea, zinema aktorea, abeslaria eta ahots-aktorea
Lantokia(k)	Ameriketako Estatu Batuak
Jasotako sariak	ikusi Young Artist Award for Best Leading Young Actress in a Feature Film  (2008) : Bridge to Terabithia (en) Young Artist Award for Best Performance in a Feature Film - Young Ensemble Cast  (2008) : Bridge to Terabithia (en)
Musika instrumentua	ahotsa
annasophiarobb.com

AnnaSophia Robb (Denver, 1993ko abenduaren 8a) Estatu Batuetako aktore, abeslari eta modeloa da. Haurra zela hasi zen aktore lanetan. Charlie and the Chocolate Factory filmean "Violet Beauregarde" izan zen, Bridge to Terabithia filmeko "Leslie Burke" protagonista izateagatik hainbat sari jaso zituen eta The Carrie Diaries telesaileko protagonista ere izan zen.

AnnaSophia Denverren jaio zen eta arbaso daniar, ingeles, irlandar, eskoziar eta suediarrak ditu^[1]. Bere elizan hasi zen aktore lanetan txiki txikia zela^[2] eta 2012an graduatu zen Arapahoe High Schoolen^[3].

Zortzi urte zituela agente batek ikusi eta amarekin Los Angelesera joan zen. McDonald's-en iragarki baten agertu zen eta 2004an Samantha: An American Girl Holiday telefilmean hartu zuen parte. 2005ean Charlie and the Chocolate Factory filmeko "Violet Beauregarde"-ren rola bete zuen eta mundu mailan ezagun bihurtu zen. Ordutik aurrera hainbat paper protagonista izan zituen zineman eta telesailetan. 2007an Bridge to Terabithia filmean "Leslie Burke" izan zen eta hainbat izendapen eta sari garrantzitsu jaso zituen^[4]. Disney Channel-entzat "Keep Your Mind Wide Open" abestia grabatu zuen eta Billboard Hot 100 zerrendan 90. postua eskuratu zuen^[5]. Hurrengo urteetan hainbat filmetan agertu zen, Jumper, Race to Witch Mountain eta Soul Surfer-en adibidez. Azken honetan marrazoak besoa kendu dion surflari baten rola betetzen du^[6].

2011n Peter Panen filme baterako Wendy izateko aukeratua izan zen baina proiektua ez zen aurrera atera^[7]. 2012an Sex and the City telesailaren prekuela zen The Carrie Diaries telesaileko protagonista izan zen, Carrie Bradshaw bera hain zuzen ere^[8].

• AnnaSophia Robben webgune ofiziala (Ingelesez)
• Aktorearen IMDBko fitxa irakurgai (Ingelesez)