Anfisa Lvova

Anfisa Lvova
Bizitza
Jaiotzako izen-deiturak	Анфиса Петровна Балавинская (Баловенская)
Jaiotza	Porkhov, 1823ko ekainaren 24a (juliotar egutegia)
Herrialdea	Errusiar Inperioa
Lehen hizkuntza	errusiera
Heriotza	Mosku, 1891ko azaroaren 10a (juliotar egutegia) (68 urte)
Hobiratze lekua	Porkhov
Hezkuntza
Hizkuntzak	errusiera
Jarduerak
Jarduerak	idazlea

Anfisa Petrovna Lvova^[1], jaiotzez Balavinskaia^[2][3], (errusieraz: Анфиса Петровна Львова (Балавинская); Porkhov, 1823ko uztailaren 6a^greg./ekainaren 24a^jul. – Mosku, 1891ko azaroaren 22a^greg./azaroaren 10a^jul.) errusiar idazlea izan zen.

Anfisa Balavinskaia 1823an jaio zen Porkhov herrian, Pskov probintzian. Familia noble batetik zetorren eta ikasketak etxean egin zituen^[4]. Lehenik V. Krenptsynekin ezkondu zen, eta 1862an, dibortziatu ondoren, Fiodor Lvov margolariarekin^[2].

Erudizio handiko emakumea zen eta fenomeno sozialak primeran nabaritzen zituen^[2]. 1856an Txestnost drama kaleratu zuen, eta horrek ospe handia lortu zuen. Bi urte geroago Bogataia nevesta komedia idatzi zuen. Lvovaren bi antzezlan hauek San Petersburgo eta Moskuko agertokietan antzeztu ziren eta bere literatura ibilbidearen oinarria jarri zuten^[2][5]. Antzezlanez gain, eleberriak eta haurrentzako ipuinak idatzi zituen^[2].

1887ko urtarrilaren 16an, Errusiako Literatura Zaleen Elkarteko kide hautatu zuten^[2].

Moskun hil zen 1891n, 68 urte zituela, eta jaioterrian lurperatu zuten^[2].