Amenemhat II.a

Amenemhat II.a
Irudi gehiago
mitregent (en) K.a. 1915eko abenduaren 15a - K.a. 1911 Faraoi K.a. 1911 - K.a. 1879 ← Sesostris I.a - Sesostris II.a →
Bizitza
Jaiotza	K.a. XX. mendea
Herrialdea	Antzinako Egipto
Heriotza	K.a. 1885 ( urte)
Hobiratze lekua	White Pyramid (en)
Familia
Aita	Sesostris I.a
Ama	Neferu III
Ezkontidea(k)	Senet (en)
Seme-alabak	ikusi Sesostris II.a Nofret II (en) Amenemhatankh (en) Khenemetneferhedjet I (en)
Haurrideak	ikusi Sebat (en)
Leinua	Egiptoko XII. dinastia
Jarduerak
Jarduerak	politikaria

Nubkaura Amenemhat edo Amenemhat II.a, Egiptoko XII. dinastiako hirugarren faraoia izan zen. 35 urte inguruz gobernatu zuen, K.a. 1914tik K.a. 1879 edo K.a. 1876 arte (Jürgen von Beckerath), edo K.a. 1929tik K.a. 1895 arte.

Bere tronu izena zen Nubkaurak "Urrezkoak dira Raren Kak (izpirituak).

Nubkaura bezala aipatzen da Abidoseko Errege Zerrendan, eta Nubkara Saqqarakoan. Turineko Errege Kanonean, berriz, irakurrezina. Manetonek idatzitako Ammenemes baldin bada, Julio Sexto Afrikanoren arabera, 38 urteko erregealdia izan zuen.

Bere aurreko faraoia izan zen Sesostris I.aren semea zen.

Bere erregealdian, inguruko herrialdeekin merkataritza garatu zen, Kush eta Punterako espedizioak antolatu ziren. Zenbait herri asiarrekin elkarkidetza ere bultzatu zuen.

Garai hartan, zenbait espedizio militar erregistratu ziren: Siriarako espedizioak, emaitza bezala, bi hiri gotorturen hartzea izan zuen; 1500 preso baino gehiago ekarri zire Egiptora, errege nekropoliko eraikuntza lanetan erabiliak izan zirelarik. Erregearen aktibitate zabalak, nomarken independentzia sendotu zuen, euren armada propioak izatea baimendu zitzaielarik.

Amenemhat II.ak elkargobernu bat ezarri zuen bere seme Sesostris II.arekin, bere erregealdiko 33. urtean, bera zahartzen ari zenean, dinastiaren jarraipena ziurtatzeko.

Menfisen, berebiziko garrantzia zuen dokumentu bat aurkitu zen: bere erregealdian datatutako idazki baten zatiak, bere gobernuaren hasieran gertatu ziren gertaerei buruz informatzen duena eta zenbait tenplura egindako dohaintzak aipatzen dituena, hegoaldeko Kanaanera eginiko kanpaina bat eta gortean, ordainak dakartzaten kushitarren presentziaz gain.

Dahshurren piramide bat eraikitzea agindu zuen, Turako kareharri zuriz amaitua izan zena; oso kaltetua dago, eta ez oso aztertua; hil ganberak, kareharrizko sarkofago bat du. Piramidearen ondoan, zenbait errege emazteren hilobiak aurkitu ziren; horietako batzuk, oraindik urrezko bitxiak zituzten.

Todeko Monturen tenpluaren azpian aurkitutako lapislazuliko ontzi bat eta ekialde hurbileko estiloko atzerriko zigiluak dituen beste ontzi batek eratutako altxorra. Altxorra duten kaxek, Amenemhaten izena daramate (Bisson de la Roque/Contenau/Chapouthier)

Erregearen izena, zenbait idazkunetan aipatzen da:

• Uadi Um Baladen aurkitutako estela (Mathieu)
• Atea Hermopolisen (Spencer)
• Harkaitz batean, Sesostris II.arekin, Asuanetik gertu (de Morgan)
• Harri zatiak urteliburuekin, Menfisen (Altenmüller/Moussa)
• Faienzazko plaka, UC13201 (Petrie Museoa)
• Zigilu zilindrikoa (Nubkaura) UC11277 (Petrie Museoa)
• Horusen izena duen zatia UC11270 (Petrie Museoa)

Wikimedia Commonsen badira fitxategi gehiago, gai hau dutenak: Amenemhat II.a