Chiba

Chiba; 千葉市
	izendaturiko hiria
	Irudi gehiago
Administrazioa
Estatu burujabe	Japonia
Japoniako prefekturak	Chiba
Alkatea	Toshihito Kumagai (en)
Izen ofiziala	千葉市; 千葉町
Jatorrizko izena	千葉市
Posta kodea	260-8722
Herriburua	Chuo (en)
Geografia
Koordenatuak	35°36′26″N 140°06′23″E / 35.60728°N 140.10636°E
Azalera	271,76 km²
Mugakideak	Sakura (en) , Yotsukaido (en) , Narashino (en) , Yachiyo (en) , Yachimata (en) , Togane (en) , Oamishirasato (en) , Ichihara (en) eta Mobara (en)
Demografia
Biztanleria	975.014 (2021eko martxoaren 1a); 3.132 (2015)
Dentsitatea	3.588 bizt/km²
Informazio gehigarria
Sorrera	1921eko urtarrilaren 1a eta 1889ko apirilaren 1a
Telefono aurrizkia	43
Ordu eremua	UTC+09:00
Hiri senidetuak	Wujiang District (en) , Montreux, Asuncion, Houston, North Vancouver (en) , Tianjin, Quezon City eta Suzhou
	city.chiba.jp…, city.chiba.jp, city.chiba.jp…, city.chiba.jp…, city.chiba.jp…, city.chiba.jp… eta city.chiba.jp…

Chiba (japonieraz: 千葉市, Chiba-shi^?) Japoniako hiria, izen bereko prefeturako hiriburua. 2012ko erroldaren arabera 962.624 biztanle ditu.

Kantō eskualdeko porturik garrantzitsuenetarikoa dago Chiban. Gehienbat bizileku-hiria den arren, badaude fabrika, lantegi eta industria-establezimenduak ere kostan zehar.

Etimologia

Chibaren idazkerari erreparatuz kanji karaktereek "mila hosto" esan nahi du.

Geografia

Tokiotik hego-ekialdera dago, Tokioko Badian. Tokio eta Chiba lotzeko hiru bide nagusi daude, Sobu, Keiyo eta Keisei Chiba.

Historia

Chiba hiriaren lehenengo aipamena XI mendekoa da, Taira Tsuneshige gerlariaren emigrazioan aipatzen da. Lurraldearen buru bihurtu zenean Chiba Tsuneshige (千葉常胤) izena hartu zuen. Chiba gaztelu-hiria bihurtu zuen eta Chiba leinuari hasiera eman zion.

XVI mendean Chibatarren zerbitzariak ziren Hara leinukoek boterea eskuratu zuten. Hurrengo urteetan leinuen arteko borrokak izan ziren eta hainbat eskutatik pasa ondoren Toyotomi Hideyoshik konkistatu eta Chiba eta Sakai leinuko kideak anikilatyu zituen.

Meiji berrezarkuntzaren ondoren trena Chibara iritsi zen eta inguruko herri handiena bihurtu zen. 1921ean prefetura ezarri zenean Chiba izena eman zitzaion. XX mendearen hasieran inguruko herri txiki ugari barneratu zituen eta 1945etik aurrera Tokioko Badiari kendutako lur ugari eskuratu zituen.

Banaketa administratiboa

Chiban sei auzo nagusi (ku) daude:

Klima

Datu klimatikoak (Chiba)
Hila	Urt	Ots	Mar	Api	Mai	Eka	Uzt	Abu	Ira	Urr	Aza	Abe	Urtekoa
Batez besteko tenperatura maximoa (°C)	9.1	9.1	12.1	17.5	21.9	24.4	27.6	29.9	26.1	20.9	16.2	11.8	18.9
Batez besteko tenperatura (ºC)	4.9	5.1	8.0	13.4	17.9	20.9	24.3	26.3	22.6	17.1	12.2	7.5	15
Batez besteko tenperatura minimoa (°C)	0.7	1.3	4.0	9.5	14.2	18.0	21.5	23.4	19.7	13.7	8.2	3.2	11.5
Pilatutako prezipitazioa (mm)	49.2	67.0	94.1	109.7	95.6	140.7	105.5	120.8	177.4	157.7	84.9	47.2	1249.8
Eguzki orduak	173.8	146.0	159.9	157.7	179.9	116.6	141.3	183.3	116.1	127.7	135.3	167.6	1805.2
Hezetasuna (%)	55	58	62	69	71	79	80	78	78	72	67	59	69
Iturria: NOAA (1961-1990) ^[1]

Kirolak

JEF United Ichihara Chiba futbol taldea bertakoa da eta Furukawa Electric izenarekin Asiako Txapeldunen Liga irabazi zuen 1986an. Chiba Lotte Marines beisbol taldea lau aldiz izan da Japoniako txapelduna.

Ondasun nabarmenak

Chibako folk museoa.
Chibako kaiko dorrea
Makuhari Messe konbentzio zentroa.
Chibako Zientzia eta Industria museoa

Bitxikeriak

X Japan rock taldeak euren hasierako kontzertuetako bat Chiban eskaini zuen. William Gibsonen Neuromante zientzia-fikziozko nobelaren lehen partean ere hiria aipatzen da izenburuan, "Chiba Cityko Bluesak" (I. eta II. kapituluak); nobela hori hartzen dute mugimendu ziberpunkaren aitzindaritzat.