Dachau

Dachau; Dachau
	Greater district town (en)
	Irudi gehiago
Administrazioa
Estatu burujabe	Alemania
Alemaniako estatua	Bavaria
Gobernu-eskualde	Bavaria Garaia
Bavariako baserri-barruti	Dachau
Alkatea	Florian Hartmann (en)
Izen ofiziala	Dachau
Jatorrizko izena	Dachau
Posta kodea	85221
Udalerri kodea	09174115
Geografia
Koordenatuak	48°15′37″N 11°26′03″E / 48.2603°N 11.4342°E
Azalera	34,96 km²
Altuera	480 m
Demografia
Biztanleria	48.337 (2023ko abenduaren 31); 142 (2022)
Dentsitatea	1.383 bizt/km²
Informazio gehigarria
Telefono aurrizkia	08131
Hiri senidetuak	Rosh HaAyin (en) , Klagenfurt, Fondi, Bolzano, Tervuren eta Renkum
	dachau.de

Artikulu hau herriari buruzkoa da; kontzentrazio esparrua gaitzat duena beste hau da: «Dachauko kontzentrazio esparrua»

Dachau Alemania hegoaldean dagoen hiria da, Bavariako estatu federatuan kokatua, Munichetik ipar-ekialdera, 13 kilometrora. Freising-en atzetik, Munich inguruko bigarren hiri handiena da, 43.000 biztanlerekin. Hiriak gune historikoa du, XVIII. mendeko gaztelu bat duena. Dachau hiria Dachau barrutiko administrazioaren egoitza da. Amper ibaiak zeharkatzen du.

Auzoak

Hiria hiru eremutan banatua dago:

Altstadt (Alde zaharra):

Altstadt Dachau, Mitterndorf, Udlding, Etzenhausen, Unterer Markt, Webling

Dachau-Ost (Dachau ekialdea):

Unteraugustenfeld, Polln, Obergrashof, Prittlbach-en parte batzuk, Würmmühle

Dachau-Süd (Dachau hegoaldea):

Oberaugustenfeld, Himmelreich, Holzgarten, Gröbenried-en parte batzuk

1972az geroztik Dachauri dagokio baita ere: Pellheim-eko udalerria (Pellheim, Pullhausen, Assenhausen, Lohfeld eta Viehhausen barnean dituela).

Historia

Duela 2.300 urte inguru, toki horretan zeltak bizi izan ziren. Erromatarrek lurraldea konkistatu eta Reciako probintzia erromatarrean sartu zuten. Erromatarrek Amper ibaia zeharkatzen duen bide bat eraiki zuten Dachautik gertu.

Dachau aipatzen den lehendabiziko dokumentua 805ekoa da. Hiria suediarrek setiatu zuten Hogeita Hamar Urteko Gerra egin zutenean, eta arpilatua izan zen.

Artista askoren etxea izan zen XIX. mende bukaera eta XX. mendearen hasiera bitartean. Esaterako, Ludwig Thoma-ren jaioterria da.

Hiri hau Dachauko kontzentrazio-esparrutik gertu egoteagatik ere ezaguna da; Dachaukoa Alemanian egindako lehenengoko kontzentrazio-esparru handia izan zen, 1933an naziek eraikia, aurretik bolbora-lantegi bat izandako lekuan.

Bigarren Mundu Gerraren ostean, Alemaniako ekialdeko lurraldeetatik kanporatutako hainbat alemaniarrek bizileku berri bat aurkitu zuten Dachaun. Biztanle-kopuruak gora egin zuen, eta Dachau ekialdean (Dachau-Ost) auzo berri bat eratu zen.