Rebstein

Rebstein situas ĉe la okcidenta deklivo de la Rejnvalo sub la Apencelaj Montetoj. Ĝian sudorientan limon formas la Rhein-Binnen-Kanalo.

La komunumo limas en nordokcidento al la komunumo kaj distrikto Reute en Kantono Apencelo Ekstera, en nordoriento al Balgach, en sudoriento al Oberriet SG kaj en sudokcidento al Marbach SG.

Rebstein dividas sian stacidomon de trajnlinio Sankt-Margreto al Buchs SG de la Svisaj Federaciaj Fervojoj kun la najbara komunumo Marbach. La komunumo ankaŭ estas ligita per lokaj busoj kun Altstätten SG. Tra la komunuma teritorio pasas la svisa aŭtovojo A13, al kiu la komunumo havas alirojn plej proksimajn en Kriessern kaj en Widnau.

La nomo Rebstein signifas en la germana lingvo vito-ŝtono. Jam en la 9-a jarcento oni plantis vitojn en Rejnvalo. Sur la teritorio de la komunumo Rebstein la vitokultivado supozeble komenciĝis en la 13-a jarcento. La vitoj ĝis hodiaŭ karakterizas la kamparon de la vilaĝo. La nomo de la komunumo ankaŭ respeguliĝas en la blazono kaj flago.

La unua dokumenta mencio de Rebstein datiĝas el la jaro 1270 kiel Rebistain. Dum mezepoko ĝis la Helveta Revolucio en la jaro 1798 Rebstein estis kiel la tuta Suba Rejnvalo sub la regado de la Monaĥejo Sankt-Galo. En 1798 la Rejnvalo dum kelkaj monatoj formis sendependan ŝtaton, la tiel nomitan Respublikon Rejnvalo, sed jam samjare Rebstein integriĝis al la helveta Kantono Säntis. Post la fino de la Helveta Respubliko en la jaro 1803, Rebstein fariĝis komunumo en la nove fondita Kantono Sankt-Galo.

Kiel la nomo indikas ĝis la meliorigo de la marĉa Rejnebenaĵo inter 1941 kaj 1953 la ĉefa ekonomia fonto estis la vito-kulturado.

• Rebstein-Marbach (stacidomo)
• Stein
• Trolebusa linio Altstätten-Berneck

• Oficiala retejo de la komunumo Rebstein
• Rebstein en la Historia Leksikono de Svislando