Koloradiaj rokmontaraj arbaroj
La koloradiaj rokmontaraj arbaroj estas tersupraĵa ekoregiono el la okcident-nordamerika ekoprovinco de la nearktisa ekozono laŭ la tipologio de la Monda Natur-Fonduso (WWF). Biome ĝi apartenas al mezvarmaj koniferarbaroj de Usono.
| Koloradiaj rokmontaraj arbaroj | ||||
|---|---|---|---|---|
| ekoregiono | ||||
 | ||||
| ekoregiono laŭ Monda Natur-Fonduso [+] | ||||
|
||||
 Vikimedia Komunejo: Colorado Rockies Forests Ecoregion [+] |
||||
Priskribo
redaktiTiu ekoregiono situas ĉe la plej altaj altitudoj de Rokmontaro, en centra kaj okcidenta Koloradio, norda Nov-Meksiko kaj sudorienta Vajomingo, kaj travivas sekan kontinentan klimaton [1][2].
Flaŭro
redaktiLa superreganta vegetaĵara tipo de la ekoregiono estas pingloarbaro. Kontraste kun rokmontaraj ekoregionoj en la nordo, tordopino (Pinus contorta) estas sufiĉe malofta, anstataŭita de pezaligna pino (Pinus ponderosa) kaj ŝajntremola poplo (Populus tremuloides). Glaŭka duglaso (Pseudotsuga menziesii subsp. glauca) kaj Engelman-piceo (Picea engelmanni) ankaŭ estas troveblaj en la montarbaroj. Arista pino (Pinus aristata) estas la domina planto apud la arbarolimo/kriplarba zono. Krom koniferaroj, la ekoregiono ampleksas herbejojn, piedmontetajn herbejojn, ĉeriverajn arbarojn kaj altmontaran tundron.
Faŭno
redaktiLa ekoregiono gastigas 210 birdospeciojn kaj 103 mamulospeciojn [3].
Mamuloj inkludas kanadan cervon (Cervus canadensis), hemionan cervon (Odocoileus hemonius), amerikan nigran urson (Ursus americanus), gulon (Gulo gulo), pumon (Puma concolor), kanadan linkon (Lynx canadensis), amerikan marteson (Martes americana), kaj, eble, grizan urson (Ursus arctos horriblis).
Minacoj kaj konservado
redaktiKvankam tiu ekoregiono estas listigita kiel "relative stabila/sendifekta", ĝi estas minacita per arbarekspluatado, minado, disvolviĝo de nafto kaj gaso, semajnfin-dometa konstruo, brutaropaŝtadon kaj enmetitaj specioj. Protektitaj areoj inkludas Rok-montaran Nacian Parkon kaj Sovaĝejon Indian Peaks en nordcentra Koloradio, Soveĝejon Suda San Juan en sudcentra Koloradio, Nacian Arbaron Carson en nordcentra Nov-Meksiko kaj Nacian Arbaron Medicine Bow – Routt en sudorienta Vajomingo.
Referencoj
redakti- ↑ Colorado Rockies forests, World Wildlife Fund
- ↑ Colorado Rockies forests, Vanderbilt University
- ↑ angle Hoekstra, J. M.. (2010) The Atlas of Global Conservation: Changes, Challenges, and Opportunities to Make a Difference. University of California Press. ISBN 978-0520262560. Arkivigite je 2012-12-05 per Archive.today Arkivita kopio. Arkivita el la originalo je 2012-12-05. Alirita 2012-09-09 .
Vidu ankaŭ
redakti
| Nearktisaj mezvarmaj koniferarbaroj | |
|---|---|
| NA0501 Rok-montaraj arbaroj de Alberto | |
| NA0503 Arizonaj montarbaroj | |
| NA0506 Brit-kolumbiaj kontinent-marbordaj arbaroj | |
| NA0507 Kaskad-montaraj leaj arbaroj | |
| NA0508 Arbaroj de centra kaj suda Kaskada Montaro | |
| NA0511 Koloradiaj rokmontaraj arbaroj | |
| NA0513 Floridaj sablopinaroj | |
| NA0514 Arbaroj de Frejzer-Altebenaĵo kaj Frejzer-Baseno | |
| NA0515 Grand-basenaj montarbaroj | |
| NA0518 Arbaroj de norda-centra Rokmontaro | |
| NA0519 Nord-kaliforniaj marbordaj arbaroj | |
| NA0520 Nord-pacifikaj marbordaj arbaroj | |
| NA0525 Arkipelago Reĝino Karloto | |
| NA0527 Arbaroj de Sierra Nevada | |
| NA0529 Sudorient-usonaj koniferaroj | |
Eksteraj ligiloj
redakti- angle Ekoregiono NA0511 : Koloradiaj rokmontaraj arbaroj (WWF)
- angle Koloradiaj rokmontaraj arbaroj (WWF-Wildworld)
- angle Koloradiaj rokmontaraj arbaroj (Wildworld) - Nacia Geografia Societo
- angle Koloradiaj rokmontaraj arbaroj (The Encyclopedia of Earth)
- angle Koloradiaj rokmontaraj arbaroj (Bioimages)
- angle Koloradiaj rokmontaraj arbaroj (Globalspecies) Arkivigite je 2014-02-03 per la retarkivo Wayback Machine